Nugana 18:14 - Buki Tabu Lowaenei 1919

¹⁴ ‘E bweu iage ‘i mwauwawasae Ieoba ‘enaia? Tuta ‘ai‘aila ‘enega ‘emuia ia da ‘ilama, ‘ena tuta ‘i apwesama, ta Sara natuna me‘olotona ‘i da enatunena.

Nugana 18:14 Referans Kwoze

Salamo 95:3

Ieoba tauna Eaubada sinabwana ta ‘enega, Ta tauna ‘Inapwana sinabwana eaboaine iauiaudi ‘edia.

Nugana 18:10

Ta ‘i ona, Ni‘atu tuta ‘i apwesama ga ‘emuia ia da ‘ila ‘ai‘ailama; ta, u ‘ita, Sara mwaneio natuna me‘olotona ‘i da enatunena. Ta Sara anua ‘awanaia, tauna ‘i mia muria, ga ‘i nonona.

Nugana 17:21

Ta ‘igu ona‘upa‘upa Isaako ma‘ieana ia da sa‘ui, tauna Sara ‘i da enatunena ‘emuia gete tuta nina iakwara nina ‘i memai ‘enaia.

Salamo 93:1

Ieoba ‘i loina; ‘ana ‘oama bubuna esaesa; Ieoba ma‘ana ‘oama, ni‘atu tolobwana ‘i losipwena pa‘arinega: Gabura wate ‘i pa‘ara, be gea‘abo ‘i loniu.

Salamo 90:13

Ieoba ie, ‘U da ‘ilama; tuta ‘eisa? Ta ‘imu ‘ari‘eao manudi ‘u da nuaebuni.

Nugana 18:13

Ta Ieoba Aberaamo ‘ena ‘i ona, To‘ase manuna Sara ‘i edagi, ‘i gwae, ‘Ai‘aila nai ‘abo‘agu goama ia da enatunena, ‘aboagu iawasigu ‘i dudura?

Nugana 18:15

Ga Sara ‘i eiaseiase, ‘i gwae, Nigea ia edaedagi; ‘i matauta ta ‘enega. Ta ‘i gwae, Nigea; ta ‘u edagi.

Nugana 21:1

Ta Ieoba Sara ‘ena ‘i apwesa na‘ieana ‘i onaona, ta Ieoba Sara ‘ena ‘i guinua na‘ieana ‘i gwaegwae ni‘atu.

Nugana 21:2

Ta Sara i ‘euwana, ta Aberaamo ‘ena iawasina dudurana ‘ena me‘olotona ‘i enatunena, tuta ‘ai‘aila nina manuna Eaubada ‘ena ‘i ona ni‘atu.

Isaia 50:2

Toase manuna, ‘ena ia mai, nigea ‘e bweu tai ‘i miami? Ena ia bwau, nigea ‘e bweu ‘i da onalimana nai? Nimagu ‘i kukupa nai, be ‘enega gea‘abo ‘i da ‘ewalima? Nai nigea ma‘igu waiwai be ia ‘etosee? Wa ‘ita, ‘igu ba‘eiega ora ia gieiapasina, boasi‘awa ia bubudi be si emitawa: ‘idi iana si mwa‘ulu, nigea ‘idi boasi ta ‘enega, ta si mwawasa tona‘adi ‘i iapasa manuna.

Nugana 17:16

Ta ia da onaobobomena, ta wate ‘enega natuio me‘olotona ia da ‘ebwaeio: tamo, ia da onaobobomena, ta tauna ‘i da ‘asa sinadi; ‘enega tomota ‘idi kiniao si da mai.