Nugana 17:16 - Buki Tabu Lowaenei 1919

¹⁶ Ta ia da onaobobomena, ta wate ‘enega natuio me‘olotona ia da ‘ebwaeio: tamo, ia da onaobobomena, ta tauna ‘i da ‘asa sinadi; ‘enega tomota ‘idi kiniao si da mai.

Nugana 17:16 Referans Kwoze

Nugana 35:11

Ta Eaubada ‘i ona ‘enaia, ‘Abo‘agu Eaubada Toewaiwaisana: ‘U da losiwa ta ‘u da susaila: ‘emuiega ‘ebeloina ta ‘ebeloina mabodadi si da apwesa, ta tolobwamuiega kiniao si da apwesa;

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Nugana 17:6

Ta ia da bubuio be ‘u da uaua sinabwana, ta ‘ebeloinao ia da bubudi ‘emuiega, ta kiniao ‘emuiega si da apwesama.

Nugana 24:60

Ta Rebeka si onaobobomena, ta si eonena, Nuumai, ‘u da ‘e teni tausana matausanao sinadi, ta tubumuao ‘adi tarauwarao ‘idi ‘eberugu si da ‘ewedi.

Nugana 12:2

ta ‘asa sinabwana ‘emuiega ia da bubuna, ta ia da onaobobomeio, ta ‘amu esana ia da bubuna be ‘i sinabwa; ta ‘oio ‘u da e ‘ebebobo‘ana:

Nugana 1:28

Ta Eaubada ‘i ona‐obobomedi: ta Eaubada ‘i eonedi, wa da losiwa, ta wa da eiau, ta bare‘u wa da loemae, ta ‘ena wa da ewaiwai; ta wa da loina ora ‘ana iana ‘edia be, mwatui manuina ‘edia be, iage iauna maiawasidi bare‘uia si looniu ‘edia be.

Nugana 17:15

Ta Eaubada Aberaamo ‘ena ‘i ona, Sarai mwaneio manuna, gea‘abo ‘ana esana u ‘ina‘inana Sarai, ta ‘ana esana Sara.

Nugana 17:19

Ta Eaubada ‘i gwae, Nigea, ta Sara mwaneio natuio me‘olotona ‘i da enatunena; ta ‘u da eesena Isaako: ta ‘igu ona‘upa‘upa ia da sa‘u ma‘ieana ona‘upa‘upa ‘ataia manuna tubunao manudi murinega.

Nugana 21:1

Ta Ieoba Sara ‘ena ‘i apwesa na‘ieana ‘i onaona, ta Ieoba Sara ‘ena ‘i guinua na‘ieana ‘i gwaegwae ni‘atu.

Nugana 25:23

Ta Ieoba ‘ena ‘i ona, Gamwamuia ‘asa ‘e rua ‘ena si miami, Ta diamuiega susu‐tomotai e rua si da weara tuga: Ta susu‐tomota ‘e bweuna si da ewaiwai susu ‘e ruena ‘enaia; Ta tomatua ‘i da guinua me goamana ‘ena.

Nugana 36:31

Ta getedi kiniao si loina ‘asa Edoma ‘enaia, ‘ena nigea ‘e bweu king Iseraela natunao ‘i loinedi.

Nugana 15:4

Ta, wa ‘ita, Ieoba ‘ina ona ‘ena ‘i mai, ‘i gwae, Tai gete gea‘abo ‘imu gwegwe ‘ana to‘ewa; ta tauna tauio diamuiega ‘i da apwesama tauna ‘i da e ‘imu gwegwe ‘ana to‘ewa.