Nugana 16:7 - Buki Tabu Lowaenei 1919

⁷ Ta Ieoba ‘ina anelose ‘i lobena wewerupwa deinaia mitawaia, wewerupwa ‘eda Sura ‘ena deinaia.

Nugana 16:7 Referans Kwoze

Si Apwesa 15:22

Ta Mose Iseraela ‘i nuganediwa Ora Bweabwearinega, ta si tauiawa mitawa Sura ‘enaia; ta asiata ‘e toi si tautauia mitawaia, ta nigea ‘e bweu boasi si lobaloba.

Nugana 25:18

Ta Abilaega si miami ga Sura ‘enaia tauna Aigupito matanaia, na‘ieana ‘u tautauia ga Asiria ‘enaia: tasinao iauiaudi matadia ‘i miami.

Nugana 21:17

Ta Eaubada goama ‘enana ‘i nonona; ta Eaubada ‘ina anelose Agari ‘ena ‘i bwau garewega, ta ‘i eonena, Agari ie, mwa‘adega ‘oio? gea‘abo ‘u da ‘atesa‘ara; Eaubada goama ‘enana ‘i nonona ‘ena ‘i miami ta ‘enega.

Nugana 31:11

Ta Eaubada ‘ina anelose madawara ‘enega ‘i eonegu, Iakobo: ta ia ona, ‘Abo‘agu.

Nugana 22:15

Ta Ieoba ‘ina anelose garewega ‘i bwau e ruama Aberaamo ‘ena,

Nugana 22:11

Ta Ieoba ‘ina anelose garewega ‘ena ‘i bwau, ta ‘i gwae, Aberaamo, Aberaamo: ta ‘i ona, Abo‘agu.

Nugana 20:1

Ta Aberaamo gote ‘enega ‘i laga ‘asa Iarasi ‘enaia, ta Kadesa ta Sura gamwagamwanidia ‘i miami; ta Gerara ‘ena ‘i miami.

Nugana 21:18

‘U da tooro, goama ‘u da ‘a‘ari, ta nimamuiega ‘u da giiaina; ia da bubuna be ‘i da e ‘asa sinabwana ta ‘enega.

Nugana 21:19

Ta Eaubada matana ‘i gie‘esasena, ta boasi wewerupwa i ‘itena; ta ‘i tauia, ta bwara ‘i loemaa boasiega, ta goama ‘i enumena.

Nugana 24:7

Ieoba, garewa ‘ina Eaubada, tauna tamagu ‘ina anuega i ‘au‘ewegu, ta ‘asa ‘igu ‘ebetubua ‘enega, ta tauna ‘i eonegu, ta ‘eguia ‘i ona‘upa‘upa, ‘i gwae, Tubuio ‘ena ‘asa gete ia da ‘ebwaea; tauna ‘ina anelose ‘i da etunena matamuia, ta natugu manuna mwanena ‘u da ‘au‘ewa gote ‘enega.

Si Apwesa 3:2

Ta Ieoba ‘ina anelose ‘ena ‘i apwesa awesabelulu ‘enaia kaiwe soranega: ta i ‘ita, ta, wa ‘ita, kaiwe i ‘ara‘arata, ta kaiwe ‘awe nigea ‘i da ‘enina.