Nugana 15:18 - Buki Tabu Lowaenei 1919

¹⁸ Asiata gote ‘enega Ieoba ona‘upa‘upa ‘i bubuna Aberamo ma‘ieana, ‘i gwae, Tubumuao ‘edia ‘asa gete ia ‘ebwaedi, boasi ‘awana Aigupito ‘enega ga boasi ‘awana sinabwana, boasi ‘awana Euperatesa:

Nugana 15:18 Referans Kwoze

Nugana 12:7

Ta Ieoba ‘i apwesa Aberamo ‘ena, ta ‘i gwae, Tubumuao ‘edia ‘asa gete ia da ‘ebwaeae: ta nada ‘ebetaria i ‘abina Ieoba ‘ena, tauna ‘ena ‘i apweapwesa.

Nugana 24:7

Ieoba, garewa ‘ina Eaubada, tauna tamagu ‘ina anuega i ‘au‘ewegu, ta ‘asa ‘igu ‘ebetubua ‘enega, ta tauna ‘i eonegu, ta ‘eguia ‘i ona‘upa‘upa, ‘i gwae, Tubuio ‘ena ‘asa gete ia da ‘ebwaea; tauna ‘ina anelose ‘i da etunena matamuia, ta natugu manuna mwanena ‘u da ‘au‘ewa gote ‘enega.

Nugana 13:15

‘asa maibo‘ana u ‘itena ta ‘enega, ia da ‘ebwaemu, ta tubumuao ‘edia ‘ataia.

Isaia 27:12

Ta gete ‘i da apwesa asiata gote ‘enega, Ieoba uana ‘i da sapi iaulei, Boasi‘awa muruinega ga Aigupito boasina, ta si da egogonemi ‘e bweuna ‘e bweuna, ‘Omi Iseraela natunao.

Si Apwesa 23:23

‘Igu anelose matamuia ‘i da tauia ta ‘enega, ta ‘i da me‘emu me Amori be, me Eta be, me Perisi be, me Kanania be, me Ibite be, me Iebusi be, ‘edia: ta ia da ‘upwa‐iauledi.

Nugana 26:4

ta tubumuao ia da gieiau ‘atua garewa ‘ina kwadimao, ta ‘asa iauiauna getedi tubumuao ‘edia ia da ‘ebwaeaedi; ta tubuio ‘enega bare‘u ‘ina ‘asa iauiauna si da bobo‘ana;

Salamo 105:11

‘I gwae, ‘Emuia ‘asa Kanania ia da ‘ebwaea, ‘Amu ‘egu‘eguia ‘ana raba:

Nugana 50:24

Ta Iosepa ‘i ona tasinao ‘edia, Ia mwamwawasa: ta Eaubada ‘emia ‘i da apwesa ‘ai‘aila, ta ‘asa gete ‘enega ‘i da ‘au‘ewa tu‘eiemi ‘asa nina ‘enaia tauna ‘i onaona‘upa‘upa‘ena Aberaamo ‘ena, Isaako ‘ena, Iakobo ‘ena ta.

Nugana 35:12

ta ‘asa Aberaamo ta Isaako ia ‘ebwa‘ebwa‘edi, ‘emuia ia da ‘ebwaea‘ena, ta tubumuao murimuia ‘asa nina ia da ‘ebwaedi.

Nugana 28:4

ta Aberaamo ‘ina onaoboboma ‘i da ‘ebwaemu, ‘emuia, ta tubuio ma‘emuao; be ‘enega ‘imu mia dadana ‘adi esena ‘u da ‘ewena, tauna Eaubada i ‘ebwaea Aberaamo ‘ena.

Si Apwesa 34:11

Iage ‘emuia ia ona batua ‘u da ‘ita: U ‘ita, matamuiega me Amori ia pa‘idi, me Kanania be, me Eta be, me Perisi be, Ibite be, me Iebusi be.

Si Apwesa 6:4

Ta wate ‘igu ona‘upa‘upa ma‘edi ia giepa‘arina, be ‘asa Kanania ia da ‘ebwaedi, ‘idi miamia ‘ana ‘asa, ‘ena si miamia.

Si Apwesa 3:8

Ta ia mwa‘utama be ia da ‘etoseedi me Aigupito nimadiega, be ia da ‘au‘ewatu‘eiedima ‘asa gote ‘enega ga ‘asa bobo‘ana ‘enaia ta ‘asa sinabwana, ‘asa ‘enaia susuta oni ‘ena si daudau; me Kanania ‘idi esena ‘ena be, me Eta be, me Amori be, me Perisi be, me Ibite be, me Iebusi be.

Nugana 2:14

Ta ‘awa ‘e tonina ‘ana esana Idekela: tauna Asiria matanaia ‘i daudau. Ta ‘awa ‘e atana Euperatesa.

Isaia 55:3

Wa da enonotenasi, ta ‘eguia wa da mai; wa da nono, ta iaruiaruami ‘i da bobo‘ana: ta ona‘upa‘upa ‘ataia ia da bubu ma‘emi, tuga Dabida ‘ina nua‘ole‘ole ‘ai‘ailidi.

Si Apwesa 6:8

Ta ‘asa ‘ena ia da ‘au‘ewemi, tauna manuna nimagu ia gilagasina be ia da ‘ebwaea‘ena Aberaamo ‘enaia, Isaako ‘enaia, ta Iakobo ‘enaia; ta ia da ‘ebwaea‘ena ‘emia gwegwe manuna: ‘Abo‘agu Ieoba.

Si Apwesa 13:11

Ta ‘ena Ieoba ‘i da ‘au‘ewemu ‘asa Kanania ‘enaia, na‘ieana ‘i ona‘upa‘ups ‘emuia ta tamamiao ‘edia, ta ‘i da ‘ebwaea‘ena ‘emuia,

Si Apwesa 32:13

Aberaamo, Isaako, Iseraela be, ‘imu toguinuao, ‘u da nua‘i‘isidi, taudi ‘edia ‘u ona‘upa‘upa taumumo ‘emuiega, ta ‘u eonedi, Tubumuao ia da gieiau garewa ‘ina kwadima ‘atua, ta ‘asa gete maibo‘ana ni‘atu manuna ia gwaegwae tubunao ‘edia ia da ‘ebwaea, ta si da ‘ewa be ‘idi iage ataia.

Si Apwesa 2:24

Ta Eaubada ‘idi dedoi ‘i nonona, ta Eaubada ‘ina ona‘upa‘upa Aberaamo ma‘ieana, Isaako ma‘ieana, Iakobo ma‘ieana, ‘i nua‘i‘isina.

Si Apwesa 34:24

Matamuia ‘ebeloinao ia da ‘eula iaule, ta ‘imu rabao ia da giesinabwa: ta gea‘abo tai ‘e bweu ‘imu ‘asa ‘i da iatoiatoai, ‘ena ‘u tu‘e sabi apwesa Ieoba ‘imu Eaubada matanaia matoi iakwara ‘enaia.

Loina 26:42

Ga ‘igu ona‘upa‘upa Iakobo ma‘ieagu ia da nua‘i‘isina; ta wate ‘igu ona‘upa‘upa Isaako ma‘ieagu, ta wate ‘igu ona‘upa‘upa Aberaamo ma‘ieagu ia da nua‘i‘isina; ta bwa‘a ia da nua‘i‘isi.

Loina 26:45

Ta leleadi tubudiao ‘idi ona‘upa‘upa ia da nua‘i‘isina, taudi ia ‘au‘ewedima ‘asa Aigupitoega ‘ebeloinao matadia, be ia da ‘idi Eaubada: ‘Abo‘agu Ieoba.