Nugana 15:15 - Buki Tabu Lowaenei 1919

¹⁵ Ta ‘oio tubumuao ‘edia ‘u da tauia guguiega; ‘oio si da sa‘uio ‘ena ‘amu tuta ‘i dudura ‘ai‘aila.

Nugana 15:15 Referans Kwoze

Nugana 49:29

Ta ‘i emataruedi, ta ‘i ona ‘edia, ‘Abo‘agu ‘i abe ia miaegogona ‘igu tomota ma‘edi: tamaguao ‘edia wa da sa‘ugu gaula nina ‘enaia tauna Eperona goma Eta ‘ina tanoa ‘ena ‘i miami;

Nugana 35:29

Ta Isaako iaruiaruana ‘i apwesa, ta ‘i mwawasa, ta ‘ina tomota ‘edia ‘i egogona, ‘i e tai sinabwa ta ‘ana tuta ‘i dudura: ta natunao me‘olotodi Esau ta Iakobo si sa‘una.

Salamo 37:37

Tai bobo‘ai‘ailina wa da lomata‘i‘isi, ta to bubuna paruparuna wa da ‘ita: Tai gote ‘ana ‘ebelosaroni ‘i guguia ta ‘enega.

Nugana 50:13

natunao si ‘a‘arina ta ‘enega ‘asa Kanania ‘enaia, ta si sa‘una tanoa Makipela gaulina ‘enaia, tauna Aberaamo ‘i lagwena tanoa ma‘ieana, ‘ari‘ari ‘ana esena manuna, Eperona goma Eta ‘enega, Mamire nuganinaia.

Nugana 49:31

‘ena Aberaamo si sa‘una mwanena Sara ma‘ieana; ‘ena Isaako ta mwanena Rebeka si sa‘udi; ta ‘ena Lea ia sa‘una:

Nugana 23:19

Ta gete ‘i gumwara, ga Aberaamo mwanena Sara ‘i sa‘una tanoa Makipela ‘ina gaula ‘enaia Mamire matanaia (tauna Eberona), ‘asa Kanania ‘enaia.

Nugana 23:4

‘Abo‘agu to‘u‘umara ta to sugaragara ‘emia: ‘ari‘ari ‘ana esena ‘e bweuna ‘emiega wa da ‘e bwaegu, be ‘enega ‘igu to‐kwaia ia da sa‘u mataguiega.

Nugana 47:30

ta ‘ena ia ‘eno‘eno matubuguao, Aigupitoega ‘u da ‘a‘arigu, ta ‘adi ‘ari‘ari ‘ena ‘u da sa‘ugu. Ta ‘i gwae, Ia da guinua nadigega ‘u onaona.

Salamo 49:19

Tubunao ‘idi epata tomota ‘ena ‘i da tauia; Gea‘abo ma‘edana si da ‘ita‘ita ‘e bweu tuta.