Nugana 12:3 - Buki Tabu Lowaenei 1919

³ ta taudi si onaobobomeio ia da onaobobomedi, ta tauna ‘i eliemu ia da eliena: ta ‘emuiega bare‘u ‘ina susu iauiauna si da eguausoara.

Nugana 12:3 Referans Kwoze

Nugana 22:18

ta tubuio ‘enega ‘asa iauiauna bare‘uia si da bobo‘ana; ‘enagu ‘u nonona ta ‘enega.

Nugana 27:29

Tomota emuia si da guinua, Ta ‘asa ‘emuia si da bwagobwago: Tasimuao ‘edia ‘u da e ‘inapwana, Ta sinaio natunao me‘olotodi ‘emuia si da bwagobwago: Iauiauna ‘i eliemu si da eliena, Ta iauiauna ‘i onaobobomeio si da onaobobomena.

Nugana 26:4

ta tubumuao ia da gieiau ‘atua garewa ‘ina kwadimao, ta ‘asa iauiauna getedi tubumuao ‘edia ia da ‘ebwaeaedi; ta tubuio ‘enega bare‘u ‘ina ‘asa iauiauna si da bobo‘ana;

Nugana 28:14

Ta tubumuao si da ‘e bare‘u ‘ina nedila ‘atua, ta ‘u da weara dadana ‘ebwaga ‘enaia be, bomatu ‘enaia be, iaarata ‘enaia be, iarasi ‘enaia be: ta ‘emuia ta tubuio ‘enaia bare‘u ‘ina susu iauiaudi onaoboboma si da lobena.

Nugana 18:18

ta ‘ai‘aila Aberaamo ‘i da e ‘asa sinabwana ta waiwai, ta bare‘u ‘ina ‘asa iauiaudi ‘ena si da mia bobo‘ana?

Si Apwesa 23:22

Ta ‘abo ‘enana wa da nono ‘ai‘aila, ta iage iauiauna ia oneonedi wa da guinua; ga ia da etarauwara ‘amu tarauwarao ‘edia, ta to‐losaia taudi si losaia ‘emuia ‘edia.

Salamo 72:17

‘Ana esana ‘i da mia ataia; ‘Ana esana ‘i da mia ataia sinara matanaia: Ta ‘ena tai si da bobo‘ana; ‘Ebeloina iauiauna si da ‘awa to‘eguausoarena.

Nugana 30:27

Ta Labana ‘i eonena, ‘Abo gete ‘enega ia bobo‘ana matamuia, ‘u da miami: ni‘atu ia ‘itena ta ‘enega Ieoba ‘i onaobobomegu manuio.

Nugana 39:5

Ta gete ‘i apwesa tuta ‘enega ‘i aseiena be ‘ina anua, ta ‘ina iage iauiauna i ‘ita‘i‘isidi, ga Ieoba goma Aigupito ‘ina anua ‘i ona‐obobomena Iosepa manuna; ta Ieoba ‘ina oboboma ‘ina iage iauiauna ‘edia ‘i miami, anuaia ta baguraia.

Nugana 30:30

‘Ena nigea ia mai ‘imu iage ‘i gidarina, ta ni‘atu ‘i sinabwa ga ‘i iau; ta mwa‘onai ia tauia ga Ieoba ‘i onaobobomemu: ta gete ‘enega taugu ‘igu anua wate manuna maisa ia da egogona gwegwe?

Nugana 18:19

Ia mwaratonina ta ‘enega, be ‘enega natunao ta ‘ina susu murinaia ‘i da loinedi, be Ieoba ‘ina ‘eda si da ‘ita‘i‘isi, be bubuna ‘ai‘aila ta loina si da guinuei; be ‘enega Ieoba iage Aberaamo manuna ‘i gwae Aberaamo ‘ena ‘i da me‘ena.

Nugana 24:35

Ta Ieoba ni‘atu ‘igu ‘inapwana ‘i giebobo‘anena sinabwana; ta ni‘atu ‘i sinabwa: ta sipi iau ta bulomakau iau i ‘ebwaena ni‘atu, sileba ta gola be, toguinua me‘olotodi ta to‐guinua mewainedi be, kameliao ta aseiao be.

Nugana 25:11

Ta Aberaamo ‘ina mwawasa murinaia, ga Eaubada natuna Isaako ‘i onaobobomena; ta Isaako ‘i miami Beeri‐laai‐roi ‘enaia.

Nugana 26:29

‘Aene gea‘abo to‘umalina ‘e bweu ‘u da guinua ‘emaia, na‘ieana nigea ‘e bweu to‘umalina ‘emuia ‘a guiguinue, ta na‘ieana bubuna bobo‘ananamo ‘emuia ‘a guinuena, ta a ‘etunemu guguiega: ‘oio gete tuga Ieoba oboobobomina.