Nugana 11:7 - Buki Tabu Lowaenei 1919

⁷ Ta da iage, ta da mwa‘uta, ta ‘enadi ‘ena ta da giekwanikwani, be ‘enega ‘enadi ‘e bweuna ‘e bweuna gea‘abo si da sinasinapu.

Nugana 11:7 Referans Kwoze

Salamo 33:10

Ieoba ‘ebeloina ‘idi nuena ‘i gibesobesona: Tomota ‘idi nuanua ‘i eiaseiaseiedi.

Salamo 55:9

‘Inapwana ie, meiadi ‘u da loesaoori ta ‘u da giweari: Etoitoila ta e‘upwa ni‘atu ia ‘itedi ‘asaia ta ‘enega.

Nugana 1:26

Ta Eaubada ‘i ona, Tai ta da bubuna ‘ada ma‘ama‘aiau ‘atua, ‘ada ‘ita nadigega; ta si da loina ora ianina ‘edia be, mwatui manuina ‘edia be, iobai ‘edia be, bare‘u maibo‘ana ‘ena be, iage iauna si lookawara bare‘uia si kawakawara ‘edia be.

Salamo 2:4

Tauna garewaia ‘i miatoa ‘i da edagi: Ieoba ‘i da tuietuieiedi.

Isaia 6:8

Ta ‘Inapwana ‘enana ia nonona, ‘i gwae, Iaita ia da etunena, ta iaita ‘i da tauia manuda? Ga ia gwae, Gete ‘Abo‘agu; ‘U da etunegu.

Nugana 42:23

Ta nigea si mwaratoni ‘aene Iosepa ‘i nonodi; to gibuiona mwatuidi ‘i miami ta ‘enega.

Nugana 11:5

Ta Ieoba ‘i mwa‘uta sabi ‘ita ‘asa nina ta anua kesorana nina, taudi tomota natunao si ‘abina.

Nugana 10:20

Getedi Ama natunao me‘olotodi, ‘idi susu nadigega, meiadi nadigega, ‘idi bwa‘a ‘edia, ‘idi ‘asa ‘edia.

Nugana 3:22

Ta Ieoba ‘i gwae, Wa ‘ita, tai nina ni‘atu ‘abo‘ada ‘atua, bobo‘ana ta to‘umalina ‘i sinapudi; ta gete tuga, nai nimana ‘i da iasitoto, ta iawasina ‘ana kaiwe wate ‘i da ‘ewa, ta ‘i da ‘e‘ai, ta ‘i da bobo‘ana ‘ataia:

Nugana 10:32

Getedi Noa natunao me‘olotodi ‘idi susu, ‘idi ‘ebetubua nadigega, ‘idi ‘asa ‘edia: ta getedi ‘ediega ‘asa si wearina bare‘uia murua murinaia.

Nugana 10:5

Getedi ‘ediega ‘asa ‘adi le‘awao si wearidi ‘idi bwa‘a ‘ediega, ‘e bweuna ‘e bweuna meiana nadigega; ‘idi susu nadigega, ‘idi ‘asa ‘edia.

Si Apwesa 4:11

Ta Ieoba ‘i ona ‘enaia, Iaita tai ‘awana ‘i bubuna? nai iaita euwauwa ‘i bubuna, nai tena tui, nai ‘ita‘itana, nai matakebokebona? nigea nai ‘abo‘agu Ieoba?

Isaia 33:19

Tomota gamwasoara didiga gea‘abo ‘u da ‘ita, tomota ‘enadi ni‘u nigea kapekapeana ‘u da sinapuna; meiadi dumadumana nigea kapekapeana ‘u da pana‘ita.