Nugana 1:26 - Buki Tabu Lowaenei 1919

²⁶ Ta Eaubada ‘i ona, Tai ta da bubuna ‘ada ma‘ama‘aiau ‘atua, ‘ada ‘ita nadigega; ta si da loina ora ianina ‘edia be, mwatui manuina ‘edia be, iobai ‘edia be, bare‘u maibo‘ana ‘ena be, iage iauna si lookawara bare‘uia si kawakawara ‘edia be.

Nugana 1:26 Referans Kwoze

Nugana 3:22

Ta Ieoba ‘i gwae, Wa ‘ita, tai nina ni‘atu ‘abo‘ada ‘atua, bobo‘ana ta to‘umalina ‘i sinapudi; ta gete tuga, nai nimana ‘i da iasitoto, ta iawasina ‘ana kaiwe wate ‘i da ‘ewa, ta ‘i da ‘e‘ai, ta ‘i da bobo‘ana ‘ataia:

Nugana 5:1

Gete Adama ‘ina ‘ebetubua ‘ana buki. Asiata ‘enega Eaubada tai ‘i mweruruina, Eaubada ‘ana ‘ita nadigega ‘i bubuna;

Salamo 100:3

Wa da mwaratoni Ieoba tauna Eaubada: Tauna ‘i mweruruida, ta ‘abo‘ada ‘ina tomota; ‘Abo‘ada ‘ina tomota, ta ‘ina ‘ebe ‘e‘ai ‘ina sipiao.

Isaia 64:8

Ta gete ‘enega, Ieoba ie, ‘oio tamama; ‘abo‘ama bwa‘adegudegu, ta ‘oio to bubu‘urena, ta iauiauma nimaio ‘ina guinua.

Nugana 9:6

Tauna tai rarana ‘i giedauna, tai ‘enega rarana si da giedau: Eaubada ‘ana ma‘ama‘aiau ‘enega tai ‘i bubuna ta ‘enega.

Isaia 6:8

Ta ‘Inapwana ‘enana ia nonona, ‘i gwae, Iaita ia da etunena, ta iaita ‘i da tauia manuda? Ga ia gwae, Gete ‘Abo‘agu; ‘U da etunegu.

Salamo 149:2

Iseraela ‘i da guausoara tauna ‘i mweruruina ‘enaia: Siona natunao si da guausoara ‘idi King ‘enega.

Nugana 11:7

Ta da iage, ta da mwa‘uta, ta ‘enadi ‘ena ta da giekwanikwani, be ‘enega ‘enadi ‘e bweuna ‘e bweuna gea‘abo si da sinasinapu.

Nugana 2:19

Ta bwa‘a ‘enega Ieoba Eaubada bomitawa iauna ‘i mweruruidi, mwatui manuidi iauna ta; ta tai ‘ena ‘i me‘edi be ‘i da ‘ita nai to‘ase ‘i da eesedi: ta to‘ase nai tai iage mwerumweruruina iauna ‘i eesedi, tauna ‘ana esana.

Isaia 45:18

Gete nadigega Ieoba tauna garewao ‘i mweruruidi ‘i gwae; tauna Eaubada; tauna bare‘u ‘i gibubuna ta ‘i mweruruina; ‘i sa‘u ‘ai‘ailina, ‘i mweruruina nigea iagedaisinamo, ‘i gibubuna be iauna ‘ana tomi: ‘Abo‘agu Ieoba; ta nigea wate ‘e bweu.