Loina 9:3 - Buki Tabu Lowaenei 1919

³ Ta Iseraela tubunao ‘edia ‘u da gwae, ‘u da ona, Gota me‘olotona wa da ‘ewa ‘emia loegesi ‘ana ‘ebwaeadaita manuna; ta bulomakau menonoiana ta lami, ruarua ‘adi iakwara ‘e bweuna, nigea ma‘idi to‘umalinamo, ‘ebwaeadaita gabugabu manuna;

Loina 9:3 Referans Kwoze

Loina 4:23

‘Abo ‘ina loegesi, ‘enega ni‘atu ‘i loegesiena, si e‘ita ‘enaia, ‘ina ‘ebwaeadaita manuna gota ‘e bweu ‘i da me‘ena, me‘olotona nigea ma‘ina to‘umalinamo;

Isaia 53:10

Ta Ieoba nuana ‘i da ‘aue‘umulina; ‘ana ‘ateuiauia ‘i sa‘ui: ‘ena iaruiaruana ‘u bubuna be i ‘ebwaeadaita loegesi manuna, tubuna ‘i da ‘ita, ‘ana asiatao ‘i da gieduduri, ta Ieoba ‘ina ‘ebeguausoara ‘i da loeposeana nimanaia.

Loina 23:12

Ta asiata ‘enega bwagila wa lo‘uioe, lami me‘olotona nigea ma‘ina to‘umalinamo ‘ana iakwara ‘e bweuna wa da ‘ebwaea ‘ebwaeadaita‐gabugabu manuna Ieoba ‘enaia.

Loina 16:15

Ga loegesi ‘ana ‘ebwaeadaita gotana ‘i da loemwawasina, tauna tomota manudi, ta rarana ‘i da me‘ena ‘aubodaboda gamwanaia, ta raranega ‘i da guinua nadigega ‘i guinua bulomakau raranega, ta ‘i da loseuseulena ‘ebemi‐nua‘ole‘ole ‘enaia, ta ‘ebemi‐nua‘ole‘ole matanaia:

Loina 16:5

Ta Iseraela tubunao ‘idi deriegogona ‘enega gota me‘olotodi ‘e rua ‘i da ‘ewa loegesi ‘ana ‘ebwaeadaita manuna, ta sipi‐me‘olotona ‘e bweuna ‘ebwaeadaita gabugabu manuna.

Loina 14:10

Ta asiata ‘e eta nina lami me‘olotodi nigea ma‘idi to‘umalinamo ‘e rua ‘i da ‘ewedi, ta lami mewainena ‘e bweuna ‘ana iakwara ‘e bweuna nigea ma‘ina to‘umalinamo, ta palaua ‘esasena epa ‘ana ‘upwa‐sanau ‘etoi ‘ebwaeadaita rabia manuna, bunamega si ilienoenowena, ta bunama keiga ‘e bweuna.

Loina 12:6

Ta ni‘atu ‘ana asiata gie‘esasena si gumwara, natuna me‘olotona manuna, nai natuna mewainena manuna, ga lami iakwara ‘e bweuna ‘enega ‘i da me‘ena ‘ebwaeadaita gabugabu manuna, ta bunebune menonoiana ‘e bweuna, nai bunetutu ‘e bweuna, loegesi ‘ana ‘ebwaeadaita manuna, anua ‘ebeeloba ‘ana ‘awa ‘enaia, to‐taria ‘enaia:

Si Apwesa 12:5

‘Imi lami gea‘abo ‘e bweu ‘ina to‘umalinamo, me‘olotona iakwara ‘e bweuna ‘enega: sipi ‘ediega wa da ‘ewena, nai gota ‘ediega:

Nugana 37:31

Ta Iosepa ‘ana ‘oama si ‘ewena, ta gota‐me‘olotona si ununa, ta ‘oama si sa‘u mwa‘utena rara ‘enaia;

Loina 9:2

Ta Aarona ‘ena ‘i gwae, Bulomakau me‘olotona menonoiana ‘u da ‘ewa ‘emuia loegesi ‘ana ‘ebwaeadaita manuna, ta sipi me‘olotona ‘ebwaeadaita‐gabugabu manuna, nigea ma‘idi to‘umalinamo, ta Ieoba matanaia ‘u da ‘ebwaea‘edi.

Loina 9:4

Ta bulomakau be sipi me‘olotona guguia ‘ana ‘ebwaeadaita manudi, sabi taria Ieoba matanaia; ta ‘ebwaeadaita rabia si ilienoenowena bunama ma‘ieana: batua Ieoba ‘i apwesa ‘emia ta ‘enega.

Loina 10:16

Ta Mose loegesi ‘ana ‘ebwaeadaita gotana i ‘ebesa ‘ai‘ailina, ta, wa ‘ita, ni‘atu i ‘arasina: ta ‘i gamwasoara Eleasara ‘enaia ta Itamara ‘enaia, Aarona natunao tupwadi, ‘i gwae,

Loina 4:3

‘Abo to‐taria orooroina ‘i loegesi be ‘enega to‘umalina ‘i me‘ena tomota ‘edia; ga ‘ina loegesi manuna, tauna ni‘atu ‘i loegesiena, bulomakau menonoiana nigea ma‘ina to‘umalinamo ‘i da ‘ebwaeadaita Ieoba ‘enaia ‘ebwaeadaita loegesi manuna.