Loina 8:30 - Buki Tabu Lowaenei 1919

³⁰ Ta Mose bunama orooroa ‘enega i ‘ewena, ta rara ‘ebetaria ‘ena ‘i miamiana ‘enega, ta ‘i siwaroro‘ena Aarona ‘enaia, ‘ana ‘oama ‘edia be, natunao ‘edia be, natunao ‘adi ‘oama ‘edia be ma‘enao; ta Aarona ‘i etabuna, ‘ana ‘oamao, natunao be, natunao ‘adi ‘oama be ma‘enao.

Loina 8:30 Referans Kwoze

Si Apwesa 30:30

Ta Aarona ta natunao me‘olotodi ‘u da eorodi, ta ‘u da etabudi, be ‘enega ‘eguia si da guinua to taria ‘ina guinua ‘enaia.

Si Apwesa 29:21

Ta rara tauna ‘ebetaria ‘ena ‘i miami, ta bunama oroa, ‘ediega ‘u da ‘ewa, ta ‘u da siwaroro‘ena Aarona ‘enaia, ‘ana ‘oama ‘edia be, natunao me‘olotodi ‘edia be, natunao ‘adi ‘oama ‘edia ma‘enao: ta ‘i da etabuna, ‘ana oama be, natunao be, natunao ‘adi oama be, ma‘enao.

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Isaia 61:1

‘Inapwana Eaubada iaruiaruana ‘eguia; Ieoba ‘i eoroigu ta ‘enega be tetera bobo‘ana ia da guguiaei gomabeso ‘edia: i ‘etunegu be ‘ate‘e‘episaridi ia da paimidi, ‘etoli‘ama ia da guguiaei ioniionidi ‘edia, ta anua‘ebeiona ‘ana gigege taudi si losipwedi ‘edia;

Loina 10:3

Ga Mose ‘i ona Aarona ‘ena, Gete iage nina Ieoba ‘i ona, ‘i gwae, ‘Abo‘agu taudi si mai serabeguia ‘edia ia da ‘etabu, ta tomota iauiaudi matadia ia da ‘e esaesa. Ta Aarona i ‘ara‘enono.

Si Apwesa 28:2

Ta ‘oama tabu ‘u da bubudi tasio Aarona manuna, esaesa manuna ta ‘ita bobo‘ana manuna.

Loina 7:36

Tauna Ieoba ‘i ona Iseraela tubunao si da ‘ebwaedi, ‘asiata ‘enega ‘i eorodi. Tauna ‘idi iage ataia ‘idi epata‐tomota ‘edia.

Loina 7:35

Gete Aarona ‘ina oroa‐tomwana, ta natunao ‘idi oroa‐tomwana, Ieoba ‘ana ‘ebwaeadaita si bubuna aweiega ‘ediega, asiata ‘enega i ‘ebwaea‘edi be si guinua Ieoba ‘enaia to‐taria ‘ina guinua ‘enaia;

Loina 8:12

Ta bunama orooroa ‘i siwena Aarona debanaia, ta ‘i eorona, be ‘i etabuna.