Loina 4:24 - Buki Tabu Lowaenei 1919

²⁴ Ta nimana ‘i da sa‘u gota debanaia, ta ‘i da ununa esena nina ‘enega ‘ebwaeadaita gabugabu si unuunu Ieoba matanaia: tauna loegesi ‘ana ‘ebwaeadaita.

Loina 4:24 Referans Kwoze

Isaia 53:6

Iauiauda sipi ‘atua ni‘atu ta tauia gesi; ‘abo‘ada ni‘atu ta sana‘ila ‘e bweuna ‘e bweuna tauna ‘ina ‘eda ‘enaia; ta Ieoba ‘ida bubuna bokobokona iauiauda ni‘atu ‘ena ‘i sa‘u.

Loina 16:15

Ga loegesi ‘ana ‘ebwaeadaita gotana ‘i da loemwawasina, tauna tomota manudi, ta rarana ‘i da me‘ena ‘aubodaboda gamwanaia, ta raranega ‘i da guinua nadigega ‘i guinua bulomakau raranega, ta ‘i da loseuseulena ‘ebemi‐nua‘ole‘ole ‘enaia, ta ‘ebemi‐nua‘ole‘ole matanaia:

Loina 7:2

Esena ‘ena ‘ebwaeadaita gabugabu si ununa ‘ena to‘umalina ‘ana ‘ebwaeadaita si da ununa; ta rarana ‘i da loseuseula dadane ‘ebetaria ‘enaia.

Loina 6:25

Aarona ta natunao ‘edia ‘u da ona, ‘u da gwae, Gete loegesi ‘ana ‘ebwaeadaita ‘ana loina: esena ‘ena ‘ebwaeadaita gabugabu si ununa ‘ena loegesi ‘ana ‘ebwaeadaita si da ununa Ieoba matanaia: tauna ‘i tabu wawasae.

Loina 3:13

Ta nimana ‘i da sa‘u debanaia, ta ‘i da ununa anua‐‘ebeeloba matanaia: ta Aarona natunao rarana si da loseuseula dadane ‘ebetaria ‘enaia.

Loina 3:8

Ta nimana ‘i da sa‘u ‘ina ‘ebwaeadaita debanaia, ta ‘i da ununa anua‐‘ebeeloba matanaia; ta Aarona natunao rarana si da loseuseula dadana ‘ebetaria ‘enaia.

Loina 3:2

Ta nimana ‘i da sa‘u ‘ina ‘ebwaeadaita debanaia, ta anua‐‘ebeeloba ‘ana ‘awa ‘ena ‘i da loemwawasina: ta Aarona natunao to taria rarana si da loseuseula dadanena ‘ebetaria ‘enaia.

Loina 1:11

Ta ‘i da loemwawasina ‘ebetaria ‘ana esena iaarata ‘enaia Ieoba matanaia: ta Aarona natunao me‘olotodi, to taria nidi, rarana si da loseuseula dadana ‘ebetaria ‘enaia.

Loina 1:5

Ta bulomakau nina ‘i da loemwawasina Ieoba matanaia: ta Aarona natunao, to taria nidi, rarana si da ‘ebwaea, ta rara nina si da loseuseula sakowasie ‘ebetaria ‘enaia tauna anua‐‘ebeeloba ‘ana ‘awa ‘ena ‘i miami.

Si Apwesa 29:38

Ta gete tauna ‘u da ‘ebwaea ‘ebetaria ‘enaia; lami ‘e rua ‘adi iakwara ‘ebweunamo asiata ta asiata tuta iauiauna.

Loina 14:13

Ta lami me‘olotona ‘i da loemwawasina esena nina ‘ena loegesi ‘ana ‘ebwaeadaita ta ‘ebwaeadaita gabugabu si loemwawasidi, anua tabu ‘ana esena ‘enaia; na‘ieana loegesi ‘ana ‘ebwaeadaita to‐taria ‘ina iage, na‘ieana ta ‘enega to‘umalina ‘ana ‘ebwaeadaita: ‘i etabuna sana:

Loina 1:4

Ta nimana ‘i da sa‘u ‘ebwaeadaita gabugabu debanaia; ta manuna si da ‘au‘ewena sabi gienua‘ebweuna manuna.

Loina 6:18

Aarona natunao ‘ediega me‘olotona iauna si da ‘enina, ‘idi iage manuna ‘ataia ‘imi epata tomota ‘edia, Ieoba ‘ana ‘ebwaeadaita si bubudi aweiega ‘ediega; tauna ‘i gitoodi ‘i da etabu.

Loina 6:22

Ta to‐taria orooroina tauna ‘ana lopa‘eru natunao ‘ediega ‘i da ‘ebwaeaena: loina ‘ataia ‘enega si da gabuna maibo‘ana Ieoba ‘enaia.