Loina 26:20 - Buki Tabu Lowaenei 1919

²⁰ Ta ‘imi waiwai wa da loegumwara daita: ‘imi bwa‘a gea‘abo ‘ina sinabwa ‘i da uaua ta ‘enega, ta bwa‘a ‘ina kaiweao gea‘abo si da uaua.

Loina 26:20 Referans Kwoze

Isaia 49:4

Ta ia gwae, Ni‘atu ia guinua besobeso, ‘igu waiwai ia loegumwarina iage nigea ‘e bweu ta iage besobeso manudi: ta ‘igu etara Ieoba ma‘ieana ‘ai‘aila, ta ‘igu e‘isa ‘igu Eaubada ma‘ieana.

Salamo 127:1

‘Abo Ieoba nigea anua i ‘abina, Taudi si ‘abina si guinua besobeso: ‘Abo Ieoba nigea ‘asa i ‘ita‘i‘isina, To ‘ita‘i‘isi ‘i iaweiawe besobeso.

Loina 26:4

Ga ‘imi usana ia da ‘ebwaea ‘adi tuta ‘enega, ta bwa‘a ‘ina sinabwa ‘i da uaua, ta bagura ‘ina kaiwe uadi si da uaua.

Isaia 17:11

‘Amu ‘aso‘aso ‘ina asiata ‘enega u ‘arisakowasiena, ta gonagonaia ‘imu atuna ‘u bubuna be ‘i senina: ta sesoi ‘i denawa dedoi ta ‘ate‘uia‘uia didiga ‘adi asiata ‘enega.

Salamo 107:34

‘Asa ualoebwaina be ‘i ekaukau maorana, Taudi ‘ana tomianao ‘idi to‘umalina manuna.

Isaia 17:10

‘Amu ‘etoseana ‘ina Eaubada ‘u nuapupurena ta ‘enega, ta ‘imu waiwai ‘ina gurewa nigea ‘u nuena; ta ‘enega kaiwe ‘adi ‘ita bobo‘ana u ‘asodi, ta ‘u badina kaiwe ‘upwa‘upwadi dumadumadi ‘ediega:

Nugana 4:12

‘ena bwa‘a ‘u gesoa, gea‘abo gete ‘enega ta muriega ‘ina waiwai ‘i da tagwatagware ‘emuia; ‘oio ‘u da ‘e to dena ta to lopilidadana bare‘uia.