Loina 26:16 - Buki Tabu Lowaenei 1919

¹⁶ Gete wate ia da guinua ‘emia; didiga ia da aseiena ‘emia, tuga tubua gumwagumwara ta iaiiai, taudi mata si da loegumwaridi, ta iaruiarua ‘i da eowasi; ta ‘imi ewana wa da dauna daita, ‘ami tarauwarao si da ‘enina ta ‘enega.

Loina 26:16 Referans Kwoze

Salamo 78:33

Ta ‘enega ‘idi asiata ‘i loegumwaridi bubuna besobeso ‘enaia, Ta ‘idi iakwarao didiga ‘enaia.

Isaia 10:4

Si da ‘opu‘opumo ioniionidi ‘agaraudia, ta si da be‘u to esilae ‘ubunidia. Ga iage maibo‘ana gete ‘i da apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 7:2

Ta Dabida ‘ina susu ‘ena si ona, si gwae, Siria Eparaima ‘ena i ‘emisa. Ta ‘atena ‘i loniu, ta ‘ina tomota ‘atedi, ‘atua kaiwe mitawaia si loniu iagilega.

Salamo 109:6

Tai to‘umalina ‘u da sa‘u debanaia: Ta tarauwara ‘i da tooro ‘atainaia.

Salamo 73:19

Tuta tomwana ‘e bweuna enega ni‘atu si waborebore! Si gumwara ‘ai‘aila ‘ebedidiga ‘ediega.

Si Apwesa 15:26

Ta ‘i gwae, ‘Abo Ieoba ‘imu Eaubada ‘enana ‘ena ‘u da nono waiwai, ta iage paruparuna matanaia ‘u da guinua, ta ‘ina ona ‘edia ‘u da nono, ta ‘ina loina ‘u da ‘ita‘i‘isidi, ga le‘oasa, taudi me Aigupito ‘edia ia sa‘u, gea‘abo ‘emuia ia da sa‘u: ‘Abo‘agu Ieoba tauna ‘i giebobo‘anemu ta ‘enega.

Isaia 62:8

Ieoba ni‘atu ‘i ona‘upa‘upa atainega, ta ‘ina waiwai nimanega, Ona‘ai‘aila ‘imu witi nigea wate ia da ‘ebwaea be ‘i da emasura ‘amu tarauwarao manudi; ta to‘u‘umara gea‘abo ‘imu oineuana si da numena, tauna manuna ni‘atu ‘u guinua: