Loina 23:28 - Buki Tabu Lowaenei 1919

²⁸ Ta asiata tauna gote gea‘abo ‘ena ‘e bweu guinua wa da iageiage: tauna asiata gienua ‘ebweu manuna, be si gienua ‘ebweu manumi Ieoba ‘imi Eaubada matanaia.

Loina 23:28 Referans Kwoze

Loina 16:34

Ta gete ‘i da loina mia ataia ‘emia, be wa da gienua‘ebweu Iseraela tubunao manudi ‘idi loegesi iauiauna manudi ma‘ebweuna iakwara ‘ena. Ta ‘i guinua na‘ieana Ieoba ‘i ona Mose ‘enaia.

Isaia 53:10

Ta Ieoba nuana ‘i da ‘aue‘umulina; ‘ana ‘ateuiauia ‘i sa‘ui: ‘ena iaruiaruana ‘u bubuna be i ‘ebwaeadaita loegesi manuna, tubuna ‘i da ‘ita, ‘ana asiatao ‘i da gieduduri, ta Ieoba ‘ina ‘ebeguausoara ‘i da loeposeana nimanaia.

Loina 23:27

Gete tuga nawarae ‘e sebeni nina gete ‘ina asiata ‘e teni nina tauna asiata gienua ‘ebweu: ‘i da ‘e bwauegogona tabu ‘emia, ta iaruiaruami wa da gie‘elo‘uiadi; ta ‘ebwaeadaita si bubuna aweiega wa da ‘ebwaea Eaubada ‘enaia.

Loina 16:30

Asiata gete ‘enega wa da gienua‘ebweuna manumi ta ‘enega, sabi gie‘esasemi; ‘imi loegesi iauiauna ‘enega wa da ‘esasena Ieoba matanaia.

Loina 16:33

Ta ‘i da gienua‘ebweu anua tabu manuna, ta ‘i da gienua‘ebweu anua ‘ebeeloba manuna ta ‘ebetaria manuna; ta ‘i da gienua‘ebweu to‐taria manudi ta boda ‘ina tomota iauiauna manudi.