Loina 21:9 - Buki Tabu Lowaenei 1919

⁹ Ta to taria natuna me wainena, ‘abo ‘i gibesobeso‘ena tauna bubuna sogara ‘enega, tauna tamana ‘i gibesobesona: ‘i da ‘arasi aweiega.

Loina 21:9 Referans Kwoze

Nugana 38:24

Ta nawarae ‘e toi si gumwara ga gete ‘i apwesa, Iuda ‘ena si simana si gwae, Lawaio Tamara ‘i esogara; ta wate, u ‘ita, i ‘euwana esogarega. Ia Iuda ‘i gwae, Wa da ‘au‘ewa apwesenama, ta ‘i da ‘arasi.

Loina 19:29

Natuio me wainena gea‘abo ‘u gibesobeso, be ‘u giesogarina; ‘abona nai ‘asa ‘i bebe‘u sogara ‘enaia, ta ‘asa ‘i da maa to‘umaliega.

Isaia 33:14

To to‘umalidi Siona ‘ena si matauta; taudi nigea si tapwaroro dedera ‘i unudi. Iaita nai gamwagamwanidaia ‘i da miami ‘awe ‘e‘enina ma‘ieana? Iaita gamwagamwanidaia ‘i da miami ‘awe ‘ara‘arata ‘ataia ma‘edi?

Loina 20:14

Ta ‘abo tai mwanena ma sinana i ‘ewedi, tauna bubuna to‘umalina; si da gabudi awesabeluluiega, tauna ta taudi ruarua; be ‘enega gea‘abo ‘e bweu bubuna to‘umali ‘i da miami ‘emia.

Si Apwesa 31:14

Sabate wa da ‘ita‘i‘isi ta ‘enega; tauna ‘i tabu ‘emia: tauna ‘i gibesobesona si da loemwawasina: tauna guinua ‘e bweu ‘ena ‘i guinua, iaruiarua gote ‘ina tomota ‘ediega si da ‘upwa‐iaulena.