Loina 20:23 - Buki Tabu Lowaenei 1919

²³ Ta ‘ebeloina, tauna matamia ia ‘ula apwesedi, ‘ina bubuna gea‘abo ‘edia wa da tautauia: iage gete iauiauna si guinuedi ta ‘enega, ta ‘enega ia guitoasedi.

Loina 20:23 Referans Kwoze

Loina 18:24

Gea‘abo wa da giebailemi iage getedi ‘e bweuna ‘ediega: iage getedi iauiauna ‘ediega ‘ebeloina si ‘ebaila taudi matamiega ia pa‘idi:

Loina 18:30

Ta ‘enega ‘igu ematarua wa da ‘ita‘i‘isi, be ‘enega bubuna gadilulu getedi gea‘abo ‘e bweu wa da guiguinue, taudi si guinua nuganemi, ta ‘enega gea‘abo wa da giebailemi ‘ediega: ‘Abo‘agu Ieoba ‘imi Eaubada.

Loina 18:3

‘Asa Aigupito ‘ina bubunao ‘atua, ‘ena wa miami, gea‘abo wa guiguinue: ta ‘asa Kanania, ‘ena ia ‘au‘ewemi, ‘ina bubunao ‘atua ‘gea‘abo wa guiguinue: ta gea‘abo ‘idi loina tomwana ‘edia wa da tautauia.

Loina 18:27

(Iage gadilulu getedi iauiaudi ‘asa nina ‘ina tai ni‘atu si guinua, taudi nuganimia si miami, ta ‘asa ‘i baibailina;)

Salamo 78:59

Eaubada ni‘atu ‘i nonona, ga ‘i gamwasoara, Ta Iseraela ‘i guitoasena sinabwana;

Loina 18:25

Ta ‘asa ‘i baila: ta ‘enega ‘ina bubuna bokobokona ia da e‘isa ‘enaia, ta ‘asa ‘ana tomianao ‘i maiwedi.

Loina 18:2

Iseraela tubunao ‘edia ‘u da ona, ta ‘edia ‘u da gwae, ‘Abo‘agu Ieoba ‘imu Eaubada.