Loina 17:4 - Buki Tabu Lowaenei 1919

⁴ Ta nigea ‘i me‘ena anua ‘ebeeloba ‘ana ‘awaia, be ‘i da ‘ebwaea‘ena ‘ebwaeadaita manuna Ieoba ‘enaia Ieoba ‘ina anua‐tabenakele matanaia: rarana wa da ‘inana tai gote ‘enaia; rara ni‘atu ‘i etasiwena; ta tai gote si da ‘upwena ‘ina tomota ‘ediega:

Loina 17:4 Referans Kwoze

Isaia 66:3

Tauna bulomakau ‘i ununa tauna na‘ieana tauna tai ‘i loemwawasina; tauna lami ‘i gitariei, na‘ieana tauna kedewa ‘otona ‘i lasena; tauna ‘ebwaeadaita‐palaua i ‘ebwaeaei, na‘ieana tauna bawe rarana i ‘ebwaeaei; tauna mu‘ana ‘i gabuna, na‘ieana tauna goamamea ‘i onaobobomena: tamo, ‘idi ‘edao taudi ni‘atu si ‘esinuedi, ta iaruiaruadi i ‘uiawana ‘idi gadiluluiao ‘ediega;

Nugana 17:14

Ta me‘olotona nigea lodabanamo tauna bwarana matana esiona nigea si dabadaba, iaruiarua gote si da ‘upwaiaulena ‘ina tomota ‘ediega; ‘igu ona‘upa‘upa ni‘atu ‘i li‘oena.

Salamo 32:2

Tauna tai nina Ieoba nigea bubuna bokobokona ‘ena ‘i da sawena, Ta iaruiaruana nigea ‘e bweu kabo ‘ena ‘i miami, tauna ‘i bobo‘ana.

Loina 20:18

Ta ‘abo tai ‘i ‘eno waine ma‘ana le‘oasa ma‘ieana, ta bubugewana ‘ana ‘aubodaboda i ‘ewena: rarana matana ni‘atu ‘i giebubugewena, ta tauna waine ni‘atu rarana matana ‘ana ‘aubodaboda i ‘ewena: ta siterua si da ‘upwa‐iauledi ‘idi tomota gamwagamwanidiega.

Loina 20:16

Ta ‘abo waine lagolagowa ‘ena ‘i nao, ta ‘ena i ‘eno, waine nina ‘u da loemwawasina, ta lagolagowa nina: si da loemwawasa‘ai‘ailidi; raradi ‘edia si da miami.

Loina 20:3

‘Abo‘agu wate maninigu ia da sa‘u tai gote matanaia, ta ia da ‘upwa iaulena ‘ina tomota ‘ediega; tubunao ‘ediega i ‘ebwaea‘edi Moleka ‘ena ta ‘enega, be ‘igu anua tabu ‘i giebaili, ta ‘agu esana tabu ‘i da gibesobeso.

Loina 18:29

Tauna iage gadilulu getedi ‘e bweuna ‘i da guiguinue, tugama iaruiarua si guinuedi si da ‘upwa iauledi ‘idi tomota ‘ediega.

Loina 17:14

Esio iauiauna iawasina leleana, rarana i ‘e bweuna iawasina ma‘ieana: ta ‘enega ia ona Iseraela tubunao ‘edia, Gea‘abo ‘e bweu esio rarana wa ‘e‘ani: esio iauiauna iawasina tauna rarana ta ‘enega: tauna i ‘enina si da ‘upwa iaulena.

Loina 17:10

Ta tauna tai Iseraela ‘ina susu ‘enega, nai to‘u‘umara ‘edia si miami ‘ediega, tauna rara ‘e bweuna i ‘e‘ai; matagu ia da giedumaduma iaruiarua gote rara i ‘e‘ai ‘enaia, ta ia da ‘upwena ‘ina tomota ‘ediega.

Loina 7:18

Ta ‘abo ‘ina ‘ebwaeadaita guguia ‘ana taria esiona ‘e bweuna i ‘enina asiata ‘etonina, gea‘abo ‘i da bobo‘ana, nai tauna i ‘ebwaea‘ena ‘ena si da sawena: tauna ‘i da gadilulu, ta iaruiarua ‘enega i ‘e‘ai ‘ina bubuna bokobokona ‘i da ‘a‘ari.

Loina 1:3

‘Abo ‘ina ‘ebwaeadaita i ‘ebwaeadaita gabugabu bulomakau iau ‘enega, me‘olotona nigea ma‘ina to‘umalina ‘i da ‘ebwaea: anua ‘ebeeloba ‘ana ‘awa ‘enaia ‘i da ‘ebwaea, be ‘enega Ieoba nuana ‘i da bobo‘ana ‘enaia.

Si Apwesa 12:19

Asiata ‘e sebeni gea‘abo lebeni si da lobaloba ‘imi anua ‘edia: tauna iage lolebenina i ‘enina, tauna tomota‐maiawasina nina boda Iseraela ‘enega si da ‘upwa‐iaulena ta ‘enega, nai tomia to‘u‘umara, nai tauna ‘i tubua ‘asa ‘enaia.

Si Apwesa 12:15

Asiata e sebeni palaua nigea malebeninamo wa da ‘e‘ai; gimi asiata ‘enega lebeni wa da ‘ewa iaulei ‘imi anua ‘ediega: tauna palaua malebeni i ‘e‘ani gimi asiata ‘enega ga asiata e sebeni nina, tai maiawasina gote Iseraelega si da ‘upwaiaulena.

Loina 17:3

Tauna tai Iseraela ‘ina susu ‘enega, tauna bulomakau ‘i ununa, nai lami, nai gota, ‘asaia, nai tauna ‘i ununa ‘asa etaulunaia,

Loina 17:5

Be ‘enega Iseraela tubunao ‘idi taria si da me‘edi, taudi si taria mitawaia, tugama ‘aene si da me‘edi Ieoba ‘enaia, anua ‘ebeeloba ‘ana ‘awa ‘enaia, to‐taria ‘enaia, ta si da taria‘edi ‘ebwaeadaita guguia ‘adi tariao manudi Ieoba ‘enaia.

Loina 17:9

Ta nigea ‘i me‘ena anua‐‘ebeeloba ‘ana ‘awa ‘enaia, be ‘i da taria‘ena Ieoba ‘enaia; tai gote si da ‘upwena ‘ina tomota ‘ediega.

Si Apwesa 30:33

Tauna ‘e bweu nadigega ‘i iagena, nai tauna ‘enega ‘e bweuna ‘i sa‘u to‘u‘umara ‘enaia, ‘ina tomota ‘ediega si da ‘upwaiaulena.

Si Apwesa 30:38

Tauna ‘i bubuna gote nadigega, be ‘i muina, ‘ina tomota ‘ediega si da ‘upwa‐iaulena.

Loina 3:2

Ta nimana ‘i da sa‘u ‘ina ‘ebwaeadaita debanaia, ta anua‐‘ebeeloba ‘ana ‘awa ‘ena ‘i da loemwawasina: ta Aarona natunao to taria rarana si da loseuseula dadanena ‘ebetaria ‘enaia.