Loina 16:3 - Buki Tabu Lowaenei 1919

³ Gete ma‘ieana Aarona ‘i da mai ‘esena tabu ‘enaia: ma‘ina bulomakau menonoiana loegesi ‘ana ‘ebwaeadaita manuna, ta sipi me‘olotona ‘ebwaeadaita gabugabu manuna.

Loina 16:3 Referans Kwoze

Loina 4:3

‘Abo to‐taria orooroina ‘i loegesi be ‘enega to‘umalina ‘i me‘ena tomota ‘edia; ga ‘ina loegesi manuna, tauna ni‘atu ‘i loegesiena, bulomakau menonoiana nigea ma‘ina to‘umalinamo ‘i da ‘ebwaeadaita Ieoba ‘enaia ‘ebwaeadaita loegesi manuna.

Loina 8:18

Ta ‘ebwaeadaita gabugabu sipina me‘olotona i ‘ebwaena: ta Aarona ta natunao nimadi si sa‘udi sipi me‘olotona debanaia.

Loina 1:10

Ta ‘abo ‘ina ‘ebwaeadaita ‘i da manua ‘aedi ‘e ata ‘ediega, sipi ‘ediega, nai gota ‘ediega, ‘ebwaeadaita gabugabu manuna; me‘olotona nigea ma‘ina to‘umalinamo ‘i da ‘ebwaeae.

Loina 9:3

Ta Iseraela tubunao ‘edia ‘u da gwae, ‘u da ona, Gota me‘olotona wa da ‘ewa ‘emia loegesi ‘ana ‘ebwaeadaita manuna; ta bulomakau menonoiana ta lami, ruarua ‘adi iakwara ‘e bweuna, nigea ma‘idi to‘umalinamo, ‘ebwaeadaita gabugabu manuna;

Loina 8:14

Ta loegesi ‘ana ‘ebwaeadaita bulomakauna ‘i me‘ena: ta Aarona ta natunao nimadi si sa‘udi loegesi ‘ana ‘ebwaeadaita bulomakauna debanaia.

Loina 1:3

‘Abo ‘ina ‘ebwaeadaita i ‘ebwaeadaita gabugabu bulomakau iau ‘enega, me‘olotona nigea ma‘ina to‘umalina ‘i da ‘ebwaea: anua ‘ebeeloba ‘ana ‘awa ‘enaia ‘i da ‘ebwaea, be ‘enega Ieoba nuana ‘i da bobo‘ana ‘enaia.

Loina 4:1

Ta Ieoba ‘i ona Mose ‘enaia, ‘i gwae,

Loina 16:6

Ta Aarona loegesi ‘ana ‘ebwaeadaita bulomakauna ‘i da ‘ebwaeae, tauna manuna, ta ‘i da gienua‘ebweu tauna manuna, ta ‘ina anua manuna.

Loina 9:2

Ta Aarona ‘ena ‘i gwae, Bulomakau me‘olotona menonoiana ‘u da ‘ewa ‘emuia loegesi ‘ana ‘ebwaeadaita manuna, ta sipi me‘olotona ‘ebwaeadaita‐gabugabu manuna, nigea ma‘idi to‘umalinamo, ta Ieoba matanaia ‘u da ‘ebwaea‘edi.