Loina 14:8 - Buki Tabu Lowaenei 1919

⁸ Ta tauna i ‘abe i ‘esasena ‘ana ‘oama ‘i da ‘utudi, ta uiauiana maibo‘ana ‘i da sui, ta boasi ‘ena ‘i da ‘esiwe, ta ‘i da ‘esasena: ta muriega ‘asaia ‘i da mai, ta ‘ina anua‐kaleko guaunaia ‘i da miami asiata ‘e sebeni.

Loina 14:8 Referans Kwoze

Loina 11:25

Ta tauna ‘idi kokoa ‘enega i ‘a‘ara ‘ana ‘oama ‘i da ‘utudi, ta ‘i da nigea‐‘esasena ga asunuanuaia.

Loina 14:20

Ta to‐taria ‘ebwaeadaita gabugabu ta ‘ebwaeadaita rabia ‘i da ‘ebwaea ‘ebetaria ‘enaia; ta to‐taria ‘i da gienua‘ebweu manuna, ta ‘i da ‘esasena.

Loina 14:9

Ta asiata ‘e sebeni nina, ga uiauiana ‘i da sui iaulei maibo‘ana debanega ta uminega ta mata‘ipinega, tugama uiauiana maibo‘ana ‘i da sui iauledi; ta ‘ana ‘oama ‘i da ‘utudi, ta esiona ‘i da e‘esiwena boasi ‘ena, ta ‘i da ‘esasena.

Loina 8:6

Ta Mose Aarona ta natunao ‘i me‘edi, ta boasiega i ‘utudi.

Si Apwesa 19:14

Ta Mose ‘oega ‘i mwa‘utawa tomota ‘edia, ta tomota ‘i etabuiedi; ta ‘adi ‘oama si e‘utudi.

Si Apwesa 19:10

Ta Ieoba ‘i ona Mose ‘enaia, Tomota ‘edia ‘u da tauia, ta batua ta gibua‘i ‘u da etabuiedi, ta ‘adi ‘oama si da ‘utui,

Loina 15:13

Ta ‘ena tauna ma‘ana dau i ‘esasena ‘ana daudauiega, ga ‘i da sawa tauna ‘enaia asiata ‘e sebeni ‘ina ‘esasena manuna, ta ‘ana ‘oama ‘i da ‘utudi; ta esiona ‘i da e‘esiwena boasi daudauna ‘ena, ta ‘i da ‘esasena.