Loina 14:31 - Buki Tabu Lowaenei 1919

³¹ Tugama nadigega ‘i ewaiwai be ‘i da ‘ewa, ‘e bweuna loegesi ‘ana ‘ebwaeadaita manuna, ta ‘e ruena ‘ebwaeadaita gabugabu manuna, ‘ebwaeadaita rabia ma‘ieana: ta to‐taria tauna ‘i abe i ‘esasena manuna ‘i da gienua‐‘ebweu Ieoba matanaia.

Loina 14:31 Referans Kwoze

Loina 14:18

Ta bunama tupwana tauna to‐gitaria nimana ‘ena ‘i miami tauna ‘i abe i ‘esasa debanaia ‘i da sa‘u: ta to‐taria ‘i da gienua‘ebweu manuna Ieoba matanaia.

Loina 5:7

Ta ‘abo ‘ina gwegwe nigea lami ‘i sawesawenaia, ga ‘ina to‘umalina ‘ana ‘ebwaeadaita ‘i da me‘ena iage ni‘atu ‘i loegesi ‘enega manuna, bunetutu ‘e rua, nai bunebune menonoiadi ‘e rua, Ieoba ‘enaia; ‘e bweu to‘umalina ‘ana ‘ebwaeadaita manuna, ta ‘e ruena ‘ebwaeadaita gabugabuna manuna.

Loina 14:30

Ta bunetutu ‘e bweuna ‘i da ‘ebwaeae, nai bunebune menonoiana ‘e bweuna, nadigega ‘i ewaiwai be ‘i da ‘ewena;

Loina 14:32

Gete tauna muia lepero ‘ena ‘i miami ‘ana loina, tauna nigea ‘i ewaiwai be iage ‘ina ‘esasena sawesawenaia ‘i da ‘ewena.

Loina 15:15

Ta to‐taria ‘i da ‘ebwaea‘edi, ‘e bweuna loegesi ‘ana ‘ebwaeadaita manuna, ta ‘e ruena ‘ebwaeadaita gabugabu manuna; ta to‐taria ‘i da gienua‘ebweu manuna Ieoba matanaia ‘ana daudau manuna.