Loina 1:5 - Buki Tabu Lowaenei 1919

⁵ Ta bulomakau nina ‘i da loemwawasina Ieoba matanaia: ta Aarona natunao, to taria nidi, rarana si da ‘ebwaea, ta rara nina si da loseuseula sakowasie ‘ebetaria ‘enaia tauna anua‐‘ebeeloba ‘ana ‘awa ‘ena ‘i miami.

Loina 1:5 Referans Kwoze

Loina 3:8

Ta nimana ‘i da sa‘u ‘ina ‘ebwaeadaita debanaia, ta ‘i da ununa anua‐‘ebeeloba matanaia; ta Aarona natunao rarana si da loseuseula dadana ‘ebetaria ‘enaia.

Loina 1:11

Ta ‘i da loemwawasina ‘ebetaria ‘ana esena iaarata ‘enaia Ieoba matanaia: ta Aarona natunao me‘olotodi, to taria nidi, rarana si da loseuseula dadana ‘ebetaria ‘enaia.

Loina 3:2

Ta nimana ‘i da sa‘u ‘ina ‘ebwaeadaita debanaia, ta anua‐‘ebeeloba ‘ana ‘awa ‘ena ‘i da loemwawasina: ta Aarona natunao to taria rarana si da loseuseula dadanena ‘ebetaria ‘enaia.

Loina 3:13

Ta nimana ‘i da sa‘u debanaia, ta ‘i da ununa anua‐‘ebeeloba matanaia: ta Aarona natunao rarana si da loseuseula dadane ‘ebetaria ‘enaia.

Si Apwesa 29:16

Ta sipi me‘olotona ‘u da ununa loemwawasina, ta rarana ‘u da ‘ewa, ta ‘u da siwaroro dadana ‘ebetaria ‘enaia.

Isaia 52:15

Nadigega ‘ebeloina iauna ‘i da loseuseulidi; kiniao ‘awadi si da gibode manuna: iage nigea si etetera ‘edia si da ‘ita ta ‘enega; ta iage nigea si nonona si da mwaratoni.

Loina 16:15

Ga loegesi ‘ana ‘ebwaeadaita gotana ‘i da loemwawasina, tauna tomota manudi, ta rarana ‘i da me‘ena ‘aubodaboda gamwanaia, ta raranega ‘i da guinua nadigega ‘i guinua bulomakau raranega, ta ‘i da loseuseulena ‘ebemi‐nua‘ole‘ole ‘enaia, ta ‘ebemi‐nua‘ole‘ole matanaia:

Loina 1:15

Ta to taria ‘i da me‘ena ‘ebetaria ‘enaia, ta bulubuluna ‘i da gi‘upaiaule, ta i da gabuna ‘ebetaria ‘enaia; ta rarana ‘i da dau e gumwara ‘ebetaria deinaia:

Si Apwesa 29:11

Ta bulomakau ‘u da ununa loemwawasina Ieoba matanaia, anua egogona ‘ana ‘awa ‘enaia.

Loina 4:29

Ta nimana ‘i da sa‘u loegesi ‘ana ‘ebwaeadaita debanaia, ta loegesi ‘ana ‘ebwaeadaita ‘i da ununa ‘ebwaeadaita gabugabu ‘ana esena ‘enaia.

Loina 4:33

Ta nimana ‘i da sa‘u loegesi ‘ana ‘ebwaeadaita debanaia, ta ‘i da ununa loegesi ‘ana ‘ebwaeadaita manuna esena ‘enega ‘ebwaeadaita gabugabu si ununa.

Loina 17:11

Esio iawasina rara ‘enaia ta ‘enega: ta ni‘atu ia ‘ebwaea‘ena ‘emia ‘ebetaria ‘enaia sabi gienua‘ebweuna iaruiaruami manudi: rara ‘i gienua‘ebweuna iawasina manuna ta ‘enega.

Si Apwesa 40:6

Ta ‘ebwaeadaita gabugabuna ‘ana ‘ebetaria ‘u da sa‘u anua ‘ebeeloba ‘ina anua‐tabenakele ‘ana ‘awa matanaia.

Loina 4:7

Ta to‐taria rara ‘i da sa‘u mu‘ana dibidibi ‘ana ‘ebetaria kunanao ‘edia Ieoba matanaia, tauna anua ‘ebeeloba ‘ena ‘i miami; ta bulomakau nina rarana iauiauna ‘i da siwa ‘ebwaeadaita‐gabugabuna ‘ana ‘ebetaria ‘aenaia, tauna anua‐‘ebeeloba ‘ana ‘awa ‘ena ‘i miami.