Loina 1:17 - Buki Tabu Lowaenei 1919

¹⁷ Ta papenega ‘i da giwaga, ta gea‘abo ‘i da ‘au‘auweara rue: ta to taria ‘i da gabuna ‘ebetaria ‘enaia, kaiwe ‘enaia tauna awe ‘ena ‘i miami; tauna ‘ebwaeadaita gabugabuna, ‘ebwaeadaita aweiega, maina dibidibina Ieoba ‘enaia.

Loina 1:17 Referans Kwoze

Nugana 15:10

Ta iauiaudi getedi ‘ena i ‘ewedi, ta gamwagamwanaia ‘i e ‘upwaruedi, ta ‘e bweu ‘upwa ‘i sa‘una be ‘upwa ruena ‘i da miamasina: ta manua nigea i ‘upwaruedimo:

Salamo 16:10

Iaruiaruagu nigea ‘u da pilisinena Seola ‘ena ta ‘enega; Nai ‘imu to ‘esasena ‘u da tagware be bila ‘i da ‘itena.

Loina 5:8

Ta ‘i da me‘edi to‐taria ‘enaia, ga tauna ‘i da nate to‘umalina ‘ana ‘ebwaeadaita manuna ‘i da gimi ‘ebwaeae, ta ‘otonega bulubuluna ‘i da gi‘upa iaule, ta gea‘abo ‘i da weari rua:

Loina 1:13

Ta diana be ‘aena ‘i da ‘utudi boasiega: ta to taria maibo‘ana ‘i da ‘ebwaea, ta ‘i da gabuna ‘ebetaria ‘enaia: tauna ‘ebwaeadaita gabugabuna, ‘ebwaeadaita aweiega si bubuna, maina dibidibi Ieoba ‘enaia.

Nugana 8:21

Ta Ieoba maina dibidibina ‘i muina; ta Ieoba ‘atenega ‘i ona, gea‘abo wate bwa‘a ia da elialima tai manuna, tai ‘atena ‘ina nuanua ‘i to‘umalina ‘ina tubuauunuiega ta ‘enega; ta gea‘abo wate iage maiawasina iauna ia da unuunu lima na‘ieana ni‘atu ia guinuena.

Loina 9:13

Ta ‘ebwaeadaita gabugabu si ‘ebwaena, tomwana ta tomwana, ta bulubuluna; ta ‘i gabudi ‘ebetaria ‘enaia.

Loina 2:2

Ta Aarona natunao me‘olotodi to taria nidi ‘edia ‘i da me‘ena: ta ‘enega palaua ‘esasena nimanega ‘i sapwasapwarina ‘enega ‘i da ‘ewa, ta bunama ‘enega, ma‘ina mu‘ana maibo‘ana ‘enega; ta to taria ‘i da gabuna ‘ana ‘ebenua‘i‘isi ‘ebetaria ‘enaia, ‘ebwaeadaita aweiega, maina dibidibina Ieoba ‘enaia:

Loina 3:5

Ta Aarona natunao me‘olotodi si da gabuna ‘ebetaria ‘enaia ‘ebwaeadaita gabugabu ‘enaia, tauna kaiwe ‘ena ‘i miami tauna awe sabelulu ‘ena ‘i miami: tauna ‘ebwaeadaita aweiega, maina dibidibina Ieoba ‘enaia.

Loina 6:14

Ta gete ‘ebwaeadaita palaua ‘ana loina; Aarona natunao si da ‘ebwaea‘ena Ieoba matanaia, ‘ebetaria matanaia.

Loina 8:21

Ta dia ta ‘aena i ‘utudi boasiega; ta Mose sipi me‘olotona maibo‘ana i gabuna ‘ebetaria ‘enaia: tauna ‘ebwaeadaita ‘ara‘arasina maina dibidibi manuna: tauna ‘ebwaeadaita si bubuna aweiega Ieoba ‘enaia; na‘ieana Ieoba ‘i ona Mose ‘enaia.