Isaia 9:5 - Buki Tabu Lowaenei 1919

⁵ Tai ma‘ina ‘ebelosaia egogona toila ‘ena ‘ina ‘ebelosaia iauiauna, ta ‘oama si pwasa rarega, si da miami ‘arata manuna ta ‘enega, awe sabelulu ‘ana kaiwe manuna.

Isaia 9:5 Referans Kwoze

Isaia 30:33

Topeta ni‘atu ‘i miami lowaenei ta ‘enega; tamo, si sa‘u king manuna; ‘i mweruruina ni‘uni‘u ta sinabwana: ‘ana sa‘uepopo awe ‘ara‘arata ta kaiwe sinabwana; Ieoba ‘ina bwawa, nadigega mepulupulua daudauna, ‘i loe‘abia.

Salamo 46:9

Saiaiao i ‘upwedi ga bare‘u ‘ana ‘ebelosaroni; Tupu ‘i lasena, ta gita i ‘upwa ruena; Waga lisilisi ‘i gabudi aweiega.

Isaia 4:4

‘Ena ‘Inapwana Siona natunao me wainedi ‘idi bi‘i i ‘utu iaulena, ta Ierusalema rarana i ‘ewa iaulena gamwagamwanega, etara iaruiaruanega, ta ‘arata iaruiaruanega.

Loina 3:16

Ta to taria ‘i da gabudi ‘ebetaria ‘enaia; tauna ‘ebwaeadaita aweiega masurina, maina dibidibi manuna: iapa maibo‘ana Ieoba ‘ina iage.

Loina 3:11

Ta to‐taria ‘i da gabuna ‘ebetaria ‘enaia: tauna ‘ebwaeadaita ‘aweiega Ieoba ‘enaia masurina.

Isaia 37:36

Ta Ieoba ‘ina anelose ‘i apwesawa, ta me Asiria ‘idi ‘ebe‘eno ‘ena ‘i unudi wan anaredi ta eti paibe tausana: ta ni‘atu tai si tooro manini gonagonaia, ga wa ‘ita, iauiaudi kokoa mwawamwawasidi.

Isaia 13:4

Pwaru ‘idi dududu ‘oeao ‘edia, nadigega tomota sinabwadi! ‘asa ‘adi ‘ebeloinao si egogona ‘idi toitoila ‘ana dududu! Bodao ‘idi Ieoba boda ‘i egogonena saia manuna.

Salamo 72:3

‘Oeao guguia si da me‘ena tomota ‘edia, Ta ‘oea gidaridi, bubuna paruparunega.

Isaia 2:4

Ta ‘i da etara ‘ebeloinao gamwagamwanidia, ta tomota iauiauna ‘i da ba‘edi: ta ‘idi sisi‐saiao si da ‘elotutudi be si da e‘ebegesoalisilisi matana, ta ‘idi gita be si e‘ebe‘upwawiti: ‘asa gea‘abo sisi‐saia ‘i da gilagasi ‘asa ‘enaia, ta gea‘abo wate losaia si da panapana‘ite.

Isaia 9:4

‘Ana ‘a‘ara ‘ana ‘ebe‘a‘ara, ta ‘arana ‘ina guna, ‘ana to didiga ‘ina keweliwelili, ni‘atu ‘u lasedi ta ‘enega na‘ieana Midiana ‘ana asiata.

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.

Nugana 32:30

Ta Iakobo esena nina ‘i eesena Peniela: ‘i ona, ta ‘enega, Eaubada ia ‘itena e‘awatanesinesiega, ta iawasigu ‘i bobo‘ana.

Si Apwesa 23:21

Wa da nono‘i‘isina, ta ‘enana wa da nonona; gea‘abo wa da toona: ‘imi to‘umalina gea‘abo ‘i da kweuna; ‘agu esana ‘ena ‘i miami ta ‘enega.