Isaia 9:2 - Buki Tabu Lowaenei 1919

² Tomota guguioi ‘ena si lopilidadana ni‘atu ma‘edana sinabwana si ‘itena: taudi mwawasa ‘ana iauiaukwa ‘ina ‘asa ‘ena si miami, ma‘edana ‘edia ‘i sae.

Isaia 9:2 Referans Kwoze

Isaia 60:19

Sinara gea‘abo wate ‘imu ma‘edana asiataia; nai tuiaiara manuna nawarae ‘i da giema‘edaneio: ta Ieoba ‘i da ma‘edana ataia ‘emuia, ta ‘imu Eaubada ‘imu esaesa.

Salamo 107:10

Taudi nadigega guguioi ‘ena ta mwawasa ‘ena si miatoa, Ioniionidi elo‘uia ta kainumu ‘ediega;

Salamo 23:4

Tamo, ‘abo mwawasa iauiaukwina ‘ina sa‘ara ia rubwarena, Gea‘abo ‘e bweu to‘umalina ia da matamataute; ‘oio ma‘ieagu ta ‘enega: ‘Imu guna ta ‘imu keweliwelili, taudi si gieguausoarigu.

Isaia 50:10

Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.

Salamo 107:14

Guguioi ta mwawasa ‘ina iauiaukwa ‘ediega ‘i me‘edi, Ta ‘idi ‘ebeiona ‘i wearidi.

Isaia 9:1

Ta tauna lowa elo‘uia ‘ena ‘i miami nigea ‘e bweu guguioi ‘i da miami ‘enaia. Tuta nuganega ‘asa Sebulona ‘asa Napatali ‘adi ‘ebesinara ‘i sa‘u, ta tuta bogamo ‘ana esaesa ‘i sa‘una, ora ‘ana ‘edega, Ioridana mariesenaia, ‘ebeloinao ‘idi Galili.

Salamo 4:8

Guguia ‘ena ia da ‘eno‘eno ta ia da ‘enomwataia ruarua: Tebweuio, Ieoba, ‘u bubuna ‘ai‘ailegu ga ia mia ‘ai‘aila.