Isaia 8:7 - Buki Tabu Lowaenei 1919

⁷ Gete enega wa ‘ita, ta ‘enega, ‘Inapwana Boasi‘awa nina boasinao i ‘ewa tu‘edima ‘edia, pa‘aridi ta ‘iauiaudi, tuga Asiria ‘ana king ta ‘ina esaesa maibo‘ana: ta ‘i da tu‘ema ‘ina boasi‘awa iauiaudi debadia, ta tupitupina iauiaudi debadia ‘i da tauia:

Isaia 8:7 Referans Kwoze

Isaia 7:20

Asiata gote ‘enega ‘Inapwana deba ta ‘ae unuununa ‘i da sui ‘ebesui e‘isa‘isana ‘enega, tauna Boasi‘awana mariesena esenanao ‘edia ‘i miami, tuga Asiria ‘ina king ‘enega: ta wate umi ‘i da loegumwarina.

Isaia 7:17

Ieoba ‘emuia, ta ‘imu tomota ‘edia ta tamaio ‘ina susu ‘enaia, asiatao ‘i da me‘edi, taudi nigea si mai, asiata ‘enega Eparaima Iuda ‘i pilisinena ga batua; tuga Asiria ‘ana King.

Nugana 6:17

Ta ‘abo‘agu, u ‘ita, boasi murua ia da me‘ena bare‘uia, esio iauiauna ‘i da lo‘esaoori, ‘ena iawasidi ‘i miamiana, garewa ‘agaraunaia ‘enega; iage iauna bare‘uia ‘i miami ‘i da mwawasa.

Isaia 59:19

Nadigega Ieoba ‘ana esana si da matautena ‘ebwagega, ta ‘ina esaesa sinara ‘ina sae ‘enega: ‘i da mai ‘atua murua ta ‘enega, tauna Ieoba iawasina ‘i giedau.

Isaia 28:17

Ta etara ia da bubuna ‘ebe‘etopwapwa‐loesanena manuna, ta bubuna paruparu aweata manuna: ta ‘usana patuna ‘ebedena onakabokabo nina ‘i da ‘ewaiaulei, ta boasi‐murua ‘ebe kwaia ‘i da loemaa‘apu‘apuie.

Salamo 72:8

Ma‘ina loina wate ‘ora ga ora, Ta Boasi‘awanega ga bare‘u ‘ana ‘ebelosaroni.

Isaia 10:5

Oioi me Asiria, ‘igu gamwasoara ‘ina keweliwelili, guna nina tauna nimanaia ‘igu egamwagamwagu ‘i miami!

Isaia 10:16

Ta ‘enega ‘Inapwana, bodao ‘idi ‘Inapwana, ‘ebewakaka ‘i da etunena ‘ina iapaiapadi ‘edia; ta ‘ina esaesa ‘ubunaia ‘arata nadigega ‘awe ‘ina ‘ara‘arata si da loe‘abia.

Isaia 11:15

Ta Ieoba ora Aigupito meiana ‘i da giesaoori; ta iagila ‘ara‘arata ‘enega nimana ‘i da giniuiei Boasi‘awa debanaia, ta ‘i da ununa be ‘i boasidaudau ‘e sebeni, ta ‘i da loina be tai si da rubwarena ‘aedi iadaiadana.

Isaia 28:2

Wa ‘ita, ‘Inapwana ma‘ina iage waiwai ta pa‘ara; ‘atua ‘usana patuna wedilia ma‘ieana, iagila didiga ‘i unuunua, ‘atua murua waiwai maa‘apu‘apu wedilia ma‘ieana, ‘i da ulamwa‘uta bare‘uia nimanega.

Isaia 43:2

‘Ena boasi u da rubwaredi, ‘Abo‘agu ma‘ieaio; ta boasidaudau ‘u rubwaredi, gea‘abo si da siwabodeio: ‘ena ‘awe ‘u tauia bwarena, gea‘abo ‘i da ‘ara‘arasiio; nai ‘awe meiana ‘i da sabelulu ‘emuia.

Salamo 46:4

‘E bweu boasi ‘i miami, narinao Eaubada ‘ina ‘asa si gieguausoarina, To ‘Etana Sana ‘ina anua‐tabenakeleao ‘idi esena tabu.

Isaia 28:15

Wa ona ta ‘enega, mwawasa ma‘ieana ‘a ona‘upa‘upa, ta Seola ma‘ieana ‘a egosigosiana: ‘ena ‘ebeunua maa‘apu‘apu ‘i rubwarena, gea‘abo ‘emaia ‘i da mai; onakabokabo ‘a bubudi ‘ima ‘ebedena ta ‘enega, ta onakabokabo ‘ubunaia ‘a kwaiema: