Isaia 7:14 - Buki Tabu Lowaenei 1919

¹⁴ Ta ‘enega ‘Inapwana tauna we‘iwe‘iiaia ‘i da ‘ebwaemi; wa ‘ita, gomagweine nina ‘i da ‘euwana, ta natuna me‘olotona ‘i da enatunena, ta ‘i da eesena Imanuela.

Isaia 7:14 Referans Kwoze

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.

Isaia 8:8

Ta ‘i da dau toilawa Iuda ‘ena; ‘i da dau‘apu‘apu ta ‘i da ‘etobwarena; ‘i da tu‘e ga otonaia; ta papena ‘idi tu‘e‘alele ‘asa ‘ana bababa ‘i da loemaa, Imanuela ie.

Nugana 3:15

ta ‘oio ta waine wa da etarauwara, wate ‘imu susu ta ‘ina susu: tauna debaio ‘i da bwaruna, ta ‘oio ‘aeedueduna ‘u da bwaruna.

Isaia 8:10

Wa da eonaona rererea, ta nigea ‘e bweu iage; ona wa oneone, ta gea‘abo ‘i da tooro: Eaubada ma‘eda ta ‘enega.

Nugana 30:8

Ta Rakela ‘i ona, Edididi waiwai ‘ediega tasigu ma‘ieagu ‘a edididi, ta ia ewaiwai: ta ‘i eesena Napatali.

Nugana 29:32

Ta Lea i ‘euwana, ta natuna me‘olotona ‘i enatunena, ta ‘i eesena, Rubena: ‘i ona ta ‘enega, Ieoba ‘igu elo‘uia i ‘itena ta ‘enega; gete tuga mwanegu ‘i da obobomegu ta ‘enega.

Nugana 30:6

Ta Rakela ‘i ona, Eaubada ‘eguia ‘i bwa‘omatana, ta ni‘atu wate ‘enagu ‘i nonona, ta ni‘atu natugu me‘olotona i ‘ebwaegu: ta ‘enega ‘i eesena Dana.

Nugana 4:25

Ta Adama mwanena ‘i mwaratoni limena; ta natuna me ‘olotona ‘i enatunena, ta ‘i eesena, Seta: ‘I gwae, ta ‘enega, Eaubada mari susu ‘eguia ‘i sa‘una Abela ‘ana lopa‘eru; Kaina ‘i ununa ta ‘enega.

Nugana 16:11

Ta Ieoba ‘ina anelose ‘ena ‘i gwae, U ‘ita, u ‘euwana, ta me‘olotona ‘u da enatunena: ta ‘u da eesena Isimaela, ‘imu elo‘uia Ieoba ‘i nonona ni‘atu ta ‘enega.

Isaia 38:7

Ta gete ‘i da we‘iwe‘iiaia ‘emuia Ieoba ‘enega, be ‘enega Ieoba iage gete ni‘atu ‘i ona ‘i da guinuena:

Salamo 46:8

Wa da mai, Ieoba ‘ina guinua wa da ‘itadi, Tauna saoora ‘i bubudi bare‘uia.