Isaia 66:19 - Buki Tabu Lowaenei 1919

¹⁹ Ta we‘iwe‘iiaia ia da sa‘u gamwagamwanidia, ta taudi nigea si mwawasa ‘ediega ia da etunedi ‘ebeloinao ‘edia, Tasisa ‘ena, Pula ta Luda, taudi si lisi‐tupu, Tubala ta Iabana ‘edia, saru ‘edasora ‘edia, taudi nigea ‘aregu si nonona, nai ‘igu esaesa si ‘itena; ta ‘igu esaesa si da simana ‘ebeloinao gamwagamwanidia.

Isaia 66:19 Referans Kwoze

Isaia 52:15

Nadigega ‘ebeloina iauna ‘i da loseuseulidi; kiniao ‘awadi si da gibode manuna: iage nigea si etetera ‘edia si da ‘ita ta ‘enega; ta iage nigea si nonona si da mwaratoni.

Isaia 55:5

U ‘ita, ‘ebeloina nigea ‘u mwaramwaratoni ‘u da bwauiena, ta ‘ebeloina ‘e bweuna nigea ‘i mwaratoniio ‘i da pili ‘emuia, Ieoba ‘imu Eaubada manuna, ta Iseraela ‘ina Tabu Tebweuna manuna; ni‘atu i ‘awaeseesemu ta ‘enega.

Isaia 60:9

Ona ‘ai‘aila saru si da iamwaiamwagu, ta waga Tasisa nugana, sabi me‘edi natumuao me‘olotodi ‘edasorega, ‘idi sileba ta ‘idi gola ma‘edi, Ieoba ‘imu Eaubada ‘ana esana manuna, ta Iseraela ‘ina Tabu Tebweuna manuna, ni‘atu ‘amu tuputupu ‘i sa‘u ta ‘enega.

Isaia 62:10

Wa da rugu, wa da rugu ‘ari ‘ana ‘eberugu ‘edia; tomota ‘idi ‘eda wa da kakari; wa da ‘ulatu‘e, ‘eda sinabwana wa da ‘ulatu‘e; gurewa wa da egogonediwa; doe wa da gilagasi tomota manudi.

Isaia 65:1

Taudi nigea manugu si eona ni‘atu ‘eguiega si eona; taudi nigea si ‘ebesegu taudi si lobegu: Ia gwae, Wa da ‘itegu, wa da ‘itegu, ‘asa nigea ‘agu esanega si eesena ‘enaia.

Isaia 42:4

Gea‘abo ‘i tabataba nai ‘i da ‘atesa‘ara, ga etara ‘i sa‘u bemi bare‘uia; ta saru ‘ina loina si da iamwaiamwai.

Isaia 18:3

Iauiaumi gabura ‘ana tomi, ta ‘omi bare‘u ‘ana tomi, ‘ena doe si gilagasina ‘oeao ‘edia, wa da ‘ita; ta ‘ena ioguli si mu‘e, wa da nono.

Nugana 10:2

Iapeta natunao me‘olotodi; Gomera ta, Magoga ta, Madai ta, Iabana ta, Tubala ta, Meseka ta, Tirasa ta.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 49:22

‘Inapwana Eaubada gete nadigega ‘i gwae, Wa ‘ita, nimagu ia da gilagasi ‘ebeloinao ‘edia, ta ‘agu doe ia sa‘u etooro tomota ‘edia: ta natumuao me‘olotodi si da me‘edi lumalumadiega, ta natumuao me wainedi si da ‘a‘aridi.

Isaia 49:12

Wa ‘ita, getedi ‘edasorega si da mai: ta, wa ‘ita, getedi iaaratega ta ‘ebwagega; ta getedi ‘asa Sinima ‘enega.

Isaia 49:1

‘Omi saruiao, wa da nono ‘eguia: ta ‘omi tomota, ‘edasorega wa da nono: Ieoba ‘i bwauiegu gamwega; sinagu dianega ‘agu esana i ‘inana:

Isaia 43:6

Iaarata ‘ena ia da ona, ‘U da tagwara; ta iarasi ‘ena, Gea‘abo ‘u egagara; natuguao me‘olotodi ‘edasorega wa da me‘edi, ta natuguao me wainedi bare‘u ‘ana ‘ebelosaroniega;

Isaia 29:24

Taudi wate si loegesi iaruiaruadi ‘enega sinasinapu si da mwaratoni, ta taudi si ona mugimugi e‘ita‘ita si da nonona.

Isaia 18:7

Tuta gote ‘ebwaeadaita si da me‘ena bodao ‘idi Ieoba ‘enaia tomota duduradi ta nonokwaikwaidi ‘ediega, ta tomota didiga ‘adi nugana ga muria ‘ediega; ‘ebeloina i ‘etopwapwa ta i ‘aiaina, taudi ‘idi ‘asa boasi ‘awanao si ‘upwaruena, bodao ‘idi Ieoba ‘ana esana ‘ana esena ‘enaia, ‘oea Siona.

Isaia 2:16

Ta waga Tasisa iauiauna ‘edia, ta eiara iauiauna ‘adi ‘ita bobo‘ana ‘edia.

Salamo 72:10

Tasisa ta saru ‘adi kiniao ‘ebwaeadaitao si da me‘edi: Sieba ta Seba ‘adi kiniao ‘ebwaeadaitao si da ‘ebwaeae.

Nugana 10:13

Ta Misaraima natunao Ludima ta, Anamima ta, Leabima ta, Napatuima ta,

Nugana 10:4

Ta Iabana natunao me‘olotodi; Elisaa ta, Tasisa ta, Kitima ta, Dodanima ta,

Nugana 9:27

Eaubada Iapeta ‘i da giesinabwa, Ta Sema ‘ina anua ‘edia ‘i da miami; Ta Kanania ‘i da e ‘ina toguinua.

Nugana 10:22

Sema natunao me‘olotodi; Elama ta, Asura ta, Apakasada ta, Luda ta, Arama ta.

Isaia 11:12

Ta doe ‘i da sa‘u tu‘e ‘ebeloinao manudi, ta me Iseraela ‘ina to mia apwesa ‘i da egogonedi, ta me Iuda ‘ina to sawarao ‘i da egogonedi bare‘u tupitupina ‘e ata ‘ediega.

Isaia 42:12

Ieoba si da ‘awaeseesei, ta ‘ana tuputupu si da simana saru ‘edia.

Isaia 52:10

Ieoba ni‘atu nimana tabu ‘ana ‘oama ‘i lolona ‘ebeloina iauiauna matadia; ta bare‘u ‘ana ‘ebelosaroni iauiauna ‘ida Eaubada ‘ina ‘etoseana si da ‘ita.