Isaia 66:14 - Buki Tabu Lowaenei 1919

¹⁴ Ta wa da ‘itena, ta ‘atemi ‘i da guausoara, ta lulumi si da sinabwa ‘ai‘aila nedu nuana nadigega: ta Ieoba nimana ‘i da e‘ita ‘ina to‐guinuao ‘edia, ta nuana ‘i da to‘umalina ‘ana tarauwarao ‘edia.

Isaia 66:14 Referans Kwoze

Isaia 66:5

Ieoba ‘ina ona wa da nonona, ‘omi wa dedera ‘ina ona ‘enega: Tasimiao si guitoasemi, taudi si ‘ulaapwesemi ‘agu esana manuna, ni‘atu si gwae, Ieoba si da ‘awaeseesei, be ‘enega ‘imi guausoara ‘a da ‘itena; ta si da omaiamaia.

Isaia 58:11

Ta Ieoba ‘i da nuganeio tuta iauiauna, ta iaruiaruaio ‘i da loemaa esena iapaiapasidi ‘edia, ta lulumuao ‘i da giewaiwai; ta ‘u da nadigega bagura si loepwasa, ta nadigega wewerupwa, tauna ‘ina boasiao nigea si gumwagumwara.

Isaia 26:19

‘Imu to mwawasa si da bobo‘ana; ‘igu kokoaiao si da tooro. Wa da tooro be wa da wari, ‘omi kau ‘ena wa miami: ‘imu gaguna ‘atua pwatura gagunidi ta ‘enega, ta bare‘u to kwaia ‘i da ‘ula apwesedi.

Isaia 10:5

Oioi me Asiria, ‘igu gamwasoara ‘ina keweliwelili, guna nina tauna nimanaia ‘igu egamwagamwagu ‘i miami!

Isaia 13:5

‘Asa ‘edasorega si mai, garewa esenana ‘ebelosaroniega, tuga Ieoba, ta ‘ina nuaiaiiai ‘ana ‘ebelosaiao, sabi giesaoora ‘asa maibo‘ana.

Isaia 26:20

‘Igu tomota, wa da mai, ‘imu anuao ‘edia ‘u da rugu, ta ‘imu ‘auboda ‘u da gibodedi deimuia: ‘u da ‘akwaiemu ga tuta tomwana gidarina, be gamwasoara ‘i da gumwara bemi.

Isaia 30:27

Wa ‘ita, Ieoba ‘ana esana ‘edasorega ‘i mai, i ‘ara‘arata ‘ina gamwasoarega, ta ‘asu badona ‘i tu‘e ‘enega: sopana si maa ‘ina egamwagamwaguiega, ta meiana ‘atua awe ‘ara‘arata:

Isaia 33:20

Siona ena ‘u da ‘ita, sagari sa‘usa‘u ‘ai‘ailidi ‘idi ‘asa: mataio Ierusalema si da ‘ita ebemia mia‘emwa‘ule, anua‐kaleko gea‘abo si da ‘ewena, ‘ina kaiwe gea‘abo si da ‘iwadi, ta nigea ‘e bweu ‘ina barae ‘i da ‘e‘upena.

Isaia 34:2

Ieoba ma‘ina gamwasoara ‘ebeloina iauiaudi ‘edia ta ‘enega, ta egamwagamwagu ‘idi boda maibo‘ana ‘edia: ni‘atu ‘i giesaoora ‘aiailidi, unuunu ‘ena ‘i tagwaredi.

Isaia 35:2

‘I da senina sinabwana, ta ‘i da ‘uiawana, tamo, guausoarega ta wariega; Lebanona ‘ina esaesa ‘ena si da ‘ebwaea, Kaamela ta Sarona ‘idi bobo‘ai‘ailina: Ieoba ‘ina esaesa si da ‘itena, ‘ida Eaubada ‘ina bobo‘ai‘ailina.

Isaia 41:20

Be ‘enega si da ‘ita, ta si da mwaratoni, ta si da nuanua, ta si da sinapuna rererea, ‘aene Ieoba nimana iage gete ‘i guinua, ta Iseraela ‘ina Tabu Tebweuna ‘i mweruruina.

Isaia 42:13

Ieoba ‘i da apwesa tai waiwai ‘atua, e‘ipi‘ipi ‘i da giniuiei nadigega tai losaia; ‘i da bwau, tamo, ‘i da bwau toila, ‘i da guinua waiwai ‘ana tarauwarao ‘edia.

Salamo 107:42

To paruparu si da ‘itena, ta si da guausoara; Ta bubuna bokoboko iauiauna ‘awana ‘i da bodena.

Isaia 59:18

‘Idi guinuao nadigega, ‘i da e‘isa nadigega, egamwagamwagu ‘ana tolosaiao ‘edia, e‘isa ‘ana tarauwarao ‘edia; e‘isa saru ‘edia ‘i da ‘ebwaealimana.