Isaia 66:11 - Buki Tabu Lowaenei 1919

¹¹ Be ‘enega wa da esusu ta wa da maa ‘ina ‘ebenuabobo‘ana susudiao ‘ediega; be ‘enega wa da sususu, ta wa da ‘uiawana ‘ina esaesa ‘ana sinabwa ‘enega.

Isaia 66:11 Referans Kwoze

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 60:5

Ga ‘u da ‘ita ta ‘u da ema‘edana, ta ‘ateio ‘i da dedera ta ‘i da sinabwa; ora ‘ina sinabwa ‘i da ‘ila ‘emuia, ‘ebeloina ‘ina gwegwe si da mai ‘emuia.

Salamo 36:8

Si da bobo‘ana wawasae ‘imu anua iapana ‘enega; Ta ‘u da enumedi ‘imu guausoara ‘adi boasi ununega.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 60:1

‘U da tooro, ‘u da sae; ‘imu ma‘edana ni‘atu ‘i mai ta ‘enega, ta Ieoba ‘ina esaesa ‘i apwesa ‘emuia.

Isaia 60:2

U ‘ita, ta ‘enega, guguioi bare‘u ‘i da bodena, ta guguioi badona tomota ‘i da bodedi: ta Ieoba ‘i da apwesa ‘emuia, ta ‘ina esaesa si da ‘ita ‘emuia.

Isaia 62:2

Ta ‘ebeloinao ‘imu bubuna paruparu si da ‘ita, ta kiniao iauiaudi ‘imu esaesa: ta ‘amu esana ‘i da auauna, tauna Ieoba ‘awana ‘i da ‘inana.