Isaia 65:9 - Buki Tabu Lowaenei 1919

⁹ Ta Iakobo ‘enega tubuna ia da me‘ena, ta Iuda ‘enega ‘igu ‘oeao ‘adi to ‘ewa: ta ‘agu ‘esi‘esinuao si da ‘ewena, ta ‘igu to guinuao ‘edia si da miami.

Isaia 65:9 Referans Kwoze

Isaia 27:6

Asiata si meama ‘ediega Iakobo ramuna ‘i da sa‘u; Iseraela ‘i da tupwa ta ‘i da senina: ta gabura matana si da loemaa kaiwe uanega.

Isaia 65:22

Gea‘abo si da ‘abi, ta mari tai ‘ena ‘i da miami; gea‘abo si da ‘aso, ta mari tai ‘i da ‘e‘ani: nadigega kaiwe ‘ina asiatao nadigega ‘igu tomota ‘idi asiatao ta ‘enega, ta ‘agu ‘esi‘esinuao nimadiao ‘idi guinua si da giiai dudurana.

Isaia 65:15

Ta ‘ami esana wa da pilisinena ‘ebeona‘upa‘upa manuna ‘igu ‘esi‘esinuedi ‘edia, ta ‘Inapwana Eaubada ‘i da loemwawasiio; ta ‘ina to‐guinuao mariesanega ‘i da eesedi:

Isaia 45:19

Nigea ia ona kwaia, guguioi ‘ina ‘asa ‘ina esena ‘enaia; nigea ia ona Iakobo tubunao ‘edia, Wa da ‘ebesa iogenegu; ‘Abo‘agu Ieoba bubuna paruparu ia oneone, iage si paruparu ia simana.

Isaia 32:18

Ta ‘igu tomota anua guguia ‘ena si da miami, ta anua pa‘ara ‘ai‘ailina ‘edia, ta ‘ebeeiawai‘ata mia‘enono ‘edia.

Isaia 30:19

Tomota Siona ‘ena si da miami Ierusalema ‘enaia ta ‘enega: gea‘abo wate ‘u da dedoi; ‘imu bwau ‘enanega ‘i da nua‘ole‘ole ‘ai‘aila ‘emuia; ‘ena ‘i da nono, ‘i da ona limana ‘emuia.

Isaia 45:25

Ieoba ‘ena Iseraela tubunao si da paruparu, ta si da tuputupu.

Isaia 49:8

Gete nadigega Ieoba ‘i gwae, Tuta bobo‘ana ‘enega ni‘atu ia onalimana ‘emuia, ta ‘etoseana ‘ana asiata ‘enega ni‘atu ia lememu: ta ia da egagareio, ta ia da ‘ebwaea‘eio tomota ‘idi ona‘upa‘upa manuna, be bare‘u ‘u da sa‘u ‘ai‘aili, be ‘u da loinedi be ‘egu‘eguia waboreboreao si da ‘ewa:

Isaia 57:13

‘Ena ‘u dedoi, taudi ‘u egogonedi si da ‘etoseemu: ta iagila ‘i da tauiedi, uweuwenunu ‘i da siieiedi iauiaudi: ta tauna ‘eguia i ‘emisa ‘asa ‘i da ‘ewa, ta ‘igu ‘oea tabu ‘i da ‘ewena.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.