Isaia 65:24 - Buki Tabu Lowaenei 1919

²⁴ Ta gete ‘i da apwesa, ‘idi bwau nuganinaia, ia da onalimana, ta tuta ‘enega si onaona, ia da nono.

Isaia 65:24 Referans Kwoze

Isaia 58:9

Gote ‘enega ‘u da bwau, ta Ieoba ‘i da onalimana; ‘u da bwau, ta ‘i da gwae, ‘Abo‘agu gete ‘ena. ‘Abo gamwagamwaniio ‘enega ‘ebe‘a‘ara ‘u da ‘ewena, ‘enimasusu, ta onaona to‘umalina;

Salamo 91:15

‘Eguia ‘i da bwau, ta ‘ena ia da ona limana; ‘Ena ‘i elo‘uia ‘abo‘agu ma‘ieana: Ia da ‘etoseena, ta ‘ana amaiabe ia da sa‘u.

Salamo 50:15

Asiata ‘ate‘uia‘uia ‘eguia ‘u da bwau; Ia da ‘etoseemu, ta ‘u da ‘awaeseesegu.

Isaia 55:6

Ieoba wa da ‘ebesa ‘ena ‘u da loba, wa da bwauiena ‘ena ‘i serabemia:

Salamo 32:5

‘Igu loegesi ia simanena ‘emuia, ta ‘igu bubuna bokobokona nigea ia kwaiena: Ia ona, ‘Igu li‘oa‐loina ia da simanedi Ieoba ‘enaia; Ta ‘igu loegesi ‘ina bubuna bokobokona ‘u kweuna. (Sela.)

Isaia 30:19

Tomota Siona ‘ena si da miami Ierusalema ‘enaia ta ‘enega: gea‘abo wate ‘u da dedoi; ‘imu bwau ‘enanega ‘i da nua‘ole‘ole ‘ai‘aila ‘emuia; ‘ena ‘i da nono, ‘i da ona limana ‘emuia.

Isaia 41:17

Gomabeso ta nanaewadi boasi si ‘ebesa ta nigea ‘e bweu ‘i miami, ta meiadi ‘i taba tonaadi ‘i iapasa manuna; ‘Abo‘agu Ieoba ‘edia ia da ona limana, ‘abo‘agu Iseraela ‘ina Eaubada nigea ia da e‘idi‘idiedi.

Isaia 59:1

Wa ‘ita, Ieoba nimana nigea ‘i kukupa, be gea‘abo ‘i da ‘etoseana; nai tenana ‘i mwau, be gea‘abo ‘i da nono:

Nugana 24:15

Ta gete ‘i apwesa, ‘ina ona nigea ‘i losaronina, ga, wa ‘ita, Rebeka ‘i apwesama, tauna ‘i tubua Betuela Milika natuna ‘enaia, tauna Milika Naora mwanena, tauna Naora Aberaamo tasina, ma ‘ina ‘ebego ‘aranaia.