Isaia 65:13 - Buki Tabu Lowaenei 1919

¹³ Ta ‘enega gete nadigega ‘Inapwana Eaubada ‘i gwae, Wa ‘ita, ‘igu to‐guinuao si da ‘e‘ai, ta wa da botana: wa ‘ita, ‘igu toguinuao si da numa, ta ‘omi tona‘ami ‘i da iapasa: wa ‘ita, ‘igu to‐guinuao si da guausoara, ta ‘omi wa da omaiamaia:

Isaia 65:13 Referans Kwoze

Isaia 66:14

Ta wa da ‘itena, ta ‘atemi ‘i da guausoara, ta lulumi si da sinabwa ‘ai‘aila nedu nuana nadigega: ta Ieoba nimana ‘i da e‘ita ‘ina to‐guinuao ‘edia, ta nuana ‘i da to‘umalina ‘ana tarauwarao ‘edia.

Isaia 66:5

Ieoba ‘ina ona wa da nonona, ‘omi wa dedera ‘ina ona ‘enega: Tasimiao si guitoasemi, taudi si ‘ulaapwesemi ‘agu esana manuna, ni‘atu si gwae, Ieoba si da ‘awaeseesei, be ‘enega ‘imi guausoara ‘a da ‘itena; ta si da omaiamaia.

Isaia 61:7

‘Imi omaiamaia manuna girua wa da ‘ewa: ta nuaowana manuna si da guausoara ‘idi esena ‘enaia: ta ‘enega ‘idi ‘asa ‘ena e rua si da ‘ewa: guausoara ‘ataia ‘i da miami ‘edia.

Isaia 44:9

Taudi tokwarui daiagi si bubuna iauiaudi iage besobeso; ta ‘idi iage bobo‘ai‘ailidi gea‘abo si da loeposeana: ta taudi ‘idi to‘itao nigea si ‘ita, nai si mwaratoni; be ‘enega si da omaiamaia.

Isaia 1:19

‘Abo wa nuabobo‘ana ta ematamatana, ‘asa ‘ina bobo‘ana ‘enega wa da ‘e‘ai:

Salamo 34:10

Laione menonoiadi si miamia daita, ta si botana: Ta taudi Ieoba si ‘ebesena gea‘abo ‘e bweu iage bobo‘ana ‘i da kakae ‘edia.

Isaia 41:17

Gomabeso ta nanaewadi boasi si ‘ebesa ta nigea ‘e bweu ‘i miami, ta meiadi ‘i taba tonaadi ‘i iapasa manuna; ‘Abo‘agu Ieoba ‘edia ia da ona limana, ‘abo‘agu Iseraela ‘ina Eaubada nigea ia da e‘idi‘idiedi.

Isaia 5:13

Ta ‘enega ‘igu tomota si tauia ‘ebeiona ‘enaia, ‘idi mwaramwaratoni nigea ta ‘enega: ta ‘idi tai esaesa si botana, ta ‘idi boda tonaadi ‘i iapasa.

Isaia 8:21

Ta si da rubwarena, mwaumwau sinabwana ta botana: ta gete ‘i da apwesa, ‘ena si da botana, si da ‘eeiabedi taudi, ta si da elia ‘idi king ‘enega ta ‘idi Eaubada ‘enega, ta maninidi si da gisanatu‘e:

Isaia 41:18

‘Oea daisidimo ‘edia boasi‐daudauna ia da gigege, ta wewerupwao sa‘ara gamwagamwanidia: mitawa ia da bubuna be ‘i sewasewa boasi, ta bwa‘a iadaiadana wewerupwa‐boasi.

Isaia 42:17

Si da ‘iledi, si da omaiamaia sinabwana, taudi tokwarui daiadaiagidi edia si ‘emisa, taudi si gwae tokwarui ‘e‘urenidi ‘edia, ‘Omi ‘ima eaubadao.

Isaia 44:11

Wa ‘ita, ‘ana ‘arauna iauiaudi si da omaiamaia: ta to‐guinua nidi, taudi tai ‘ediega: iauiaudi si da egogonedi rererea, si da tooro; si da matauta, si da omaiamaia rererea.

Isaia 49:10

Gea‘abo si da botana nai tonaadi ‘i da iapasa; nai ara nai sinara ‘i da unudi: tauna i ‘atenua‘ole‘oleiedi ‘i da ‘au‘ewedi ta ‘enega, tuga boasi wewerupwa ‘ediega ‘i da nuganedi.

Isaia 50:11

Wa ‘ita, iauiaumi ‘awe wa loe‘abia, wa logadiwanimi taumimo ‘ara‘arata ‘ediega: ‘imi awe meianao ‘edia wa da lopilidadana, ta gudara wa loe‘abi gamwagamwanidia. Gete wa da ‘ewa nimaguiega; wa da ‘eno‘eno dedoiega.

Isaia 62:9

Ta taudi si gitagena si da ‘enina, ta Ieoba si da tupuna; ta taudi si gitagena si da numena ‘igu anua tabu ‘ana ‘atamanao ‘edia.