Isaia 63:5 - Buki Tabu Lowaenei 1919

⁵ Ta ia ‘ita, ta nigea ‘e bweu ‘i leme; ta nuagu ‘i owana nigea ‘e bweu ‘i gietooro: ta ‘enega nimagu taugu ‘etoseana ‘i me‘ena ‘eguia; ta ‘igu egamwagamwagu, tauna ‘i gietoorogu.

Isaia 63:5 Referans Kwoze

Salamo 44:3

‘Asa nina nigea si ‘ewena taudi ‘idi sisi‘saiega, Nai taudi nimadi i ‘etoseedi; Ta ataio, ta nimaio ta maniniio ‘ina ma‘edana, ‘Oio ma‘imu nua‘ole‘ole ‘edia ta ‘enega.

Isaia 52:10

Ieoba ni‘atu nimana tabu ‘ana ‘oama ‘i lolona ‘ebeloina iauiauna matadia; ta bare‘u ‘ana ‘ebelosaroni iauiauna ‘ida Eaubada ‘ina ‘etoseana si da ‘ita.

Isaia 50:2

Toase manuna, ‘ena ia mai, nigea ‘e bweu tai ‘i miami? Ena ia bwau, nigea ‘e bweu ‘i da onalimana nai? Nimagu ‘i kukupa nai, be ‘enega gea‘abo ‘i da ‘ewalima? Nai nigea ma‘igu waiwai be ia ‘etosee? Wa ‘ita, ‘igu ba‘eiega ora ia gieiapasina, boasi‘awa ia bubudi be si emitawa: ‘idi iana si mwa‘ulu, nigea ‘idi boasi ta ‘enega, ta si mwawasa tona‘adi ‘i iapasa manuna.

Isaia 41:28

Ta ni‘atu ia ‘ita, ta nigea ‘e bweu tai; tuga gamwagamwanidia nigea ‘e bweu to‐onaleme, be ‘enega ‘ena ia eonedi, ona ‘e bweu ‘i da ona‐limena.

Isaia 40:10

Wa ‘ita, ‘Inapwana Eaubada ‘i da mai to ewaiwai na‘ieana, ta nimana ‘i da loina tauna manuna; wa ‘ita, ‘ina tamapu ma‘ieana; ta ‘ina e‘isa matanaia.

Salamo 98:1

Wari auauna wa da wariei Ieoba ‘enaia; Iage ‘ebenuaowana ni‘atu ‘i guinuedi ta ‘enega; Ataina, ta nimana tabu, ni‘atu si bubu ‘etoseana manuna.

Isaia 63:3

Oine ‘ana ‘ebedai ia ‘aiaina tebweugu; ta tomota ‘ediega nigea ‘e bweu tai ma‘ieagu: tamo, ia ‘aiaidi ‘igu gamwasoarega, ta ia iabutudi ‘igu egamwagamwaguiega: ta raradi ‘ebepa‘ara ‘i loseuseulena ‘agu ‘oama ‘edia, ta ‘agu ‘oama maibo‘ana ia siwaroro.

Isaia 51:9

‘U da tooro, ‘u da tooro, waiwai ‘u da ‘otena, Ieoba nimana ie; ‘u da tooro, ‘atua gimi asiatao ‘edia, gimi tutao ‘idi epata‐tomota. Nigea ‘oio nai tauna Raaba i ‘upwa tomwatomwa, tauna waregoa ‘i badi be ‘i sasa‘a?

Salamo 22:11

Gea‘abo ‘u da mia ‘edasora ‘eguiega; elo‘uia serabenaia ta ‘enega; Nigea ‘e bweu ‘i da leme ta ‘enega.

Salamo 69:20

Elia ‘ategu ‘i pisarina; ta mwaumwauiega ia maa: Ta ‘aidi ia ‘ebesedi be si da ‘atenua‘ole‘oleegu, ta nigea ‘e bweu ‘i miami; Ta to oboboma manudi, ta nigea ‘e bweu ia lobaloba.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Salamo 94:16

Iaita ‘i da tooro manugu toguinua to‘umalidi ‘edia? Iaita ‘i da tooro manugu taudi bubuna bokoboko si guinua ‘edia?

Salamo 107:12

‘Enega ‘atedi ‘i gimwa‘utena guinuega; Si be‘u, ta nigea ‘e bweu ‘ebeleme.