Isaia 63:16 - Buki Tabu Lowaenei 1919

¹⁶ ‘Oio tamama tuga ta ‘enega, ‘abo Aberaamo nigea ‘i mwaramwaratonima, ta Iseraela nigea i ‘awanatunema; ‘oio, Ieoba ie, ‘oio tamama; ‘amu esana ‘ama to‘ewalima tuta ‘ataia ‘enega.

Isaia 63:16 Referans Kwoze

Isaia 64:8

Ta gete ‘enega, Ieoba ie, ‘oio tamama; ‘abo‘ama bwa‘adegudegu, ta ‘oio to bubu‘urena, ta iauiauma nimaio ‘ina guinua.

Isaia 44:6

Gete nadigega Ieoba ‘i gwae, Iseraela ‘ana King, ta ‘ina to‘ewa‘limana bodao ‘idi Ieoba: ‘Abo‘agu nugana nina, ta muria nina; ta nigea ‘e bweu Eaubada ‘abo ‘abo‘agu nigea.

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 43:14

Ieoba, ‘imi to‐‘ewalimana, Iseraela ‘ina Tabu Tebweuna, gete nadigega ‘i gwae; Leleami Babulonia ‘ena ia etune, ta iauiaudi ia da ‘au‘ewa mwa‘utedi to denadena ‘atua, tuga me Kalidea, ‘idi guausoara ‘idi waga ‘edia.

Isaia 63:12

Tauna nimana esaesa ‘i tauiena Mose ‘atainaia? tauna boasi ‘i weara ruena matadia, be tauna manuna esana ‘ataia ‘i bubuna?

Isaia 54:5

‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.

Si Apwesa 4:22

Ta ‘u da ona Parao ‘enaia, Gete nadigega Ieoba ‘i ona, Iseraela natugu me‘olotona, ‘igu tomatua:

Isaia 1:2

Garewa ie, ‘u da nono, ta ‘u da enonotenasi, bare‘u ie, Ieoba ni‘atu ‘i ona ta ‘enega: gogama ia e‘enidi ta ia amwamwedi, ta si loguitoasa ‘eguia.

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.

Isaia 29:22

Ta ‘enega gete nadigega Ieoba ‘i gwae, tauna Aberaamo i ‘ewa limena, Iakobo ‘ina susu manuna: Iakobo gea‘abo gete ‘enega ‘i da omaiamaia, ta wate maninina gea‘abo gete ‘enega ‘i da eburabura.

Isaia 41:8

Ta ‘oio, Iseraela, ‘igu ‘ari‘ei, Iakobo tauna ia ‘esinuena, Aberaamo gosiagu tubuna;

Isaia 51:2

Aberaamo tamami ‘ena wa da ‘ita, ta sinami Sara ‘enaia; ‘ena tauna ‘e bweunamo ia bwauiena ta ‘enega, ta ia ona obobomena, ta ia gieiauiena.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 45:11

Gete nadigega Ieoba ‘i gwae, Iseraela ‘ina Tabu Tebweuna, ta ‘ana Tomwerurua: Iage si da mai manudi wa da eonegu; natuguao me‘olotodi manudi, ta nimaguao ‘idi guinua manuna, ‘eguia wa da loina.

Isaia 64:7

Ta nigea ‘e bweu ‘amu esana ‘ena ‘i bwau, nai ‘i giewaiwaiena tauna be ‘i giiai‘i‘isiio: maniniio ‘u kwaiena ‘emega ta ‘enega, ta ‘u loegumwarima ‘ima bubuna bokoboko ‘ediega.