Isaia 63:10 - Buki Tabu Lowaenei 1919

¹⁰ Ta si loguitoasa, ta ‘ina iaruiarua tabu si gie‘ate‘uiena: ta ‘enega ‘i gibuni be ‘adi tarauwara, ta tauna ‘i losaia ‘edia.

Isaia 63:10 Referans Kwoze

Salamo 78:56

Ta Eaubada To Lo‘etana Sana si toona tuga ta ‘ena si loguitoasa, Ta ‘ina e‘itao nigea si giiagiiai‘i‘isi;

Salamo 78:40

Tuta iauiauna ‘ena si loguitoasa mitawaia, Ta ‘ina dedo si sa‘una esena kaukaudaisinamo ‘enaia!

Salamo 51:11

Matamuiega gea‘abo ‘u da ‘ule‘ulegu; Ta ‘imu iaruiarua tabuna gea‘abo ‘eguiega ‘u da ‘ewa‘ewa.

Salamo 78:8

Ta gea‘abo si da nadigega tubudiao, Epata‐tomota nuapa‘ara ta loguitoasa; Epata‐tomota ‘atedi nigea si sa‘usa‘u‘ai‘aili, Ta iaruiaruadi nigea ‘i miamia pa‘ara Eaubada ma‘ieana.

Si Apwesa 23:21

Wa da nono‘i‘isina, ta ‘enana wa da nonona; gea‘abo wa da toona: ‘imi to‘umalina gea‘abo ‘i da kweuna; ‘agu esana ‘ena ‘i miami ta ‘enega.

Si Apwesa 16:8

Ta Mose ‘i gwae, ‘Ena Ieoba asunuanuaia esio i ‘ebwaemi be wa ‘e‘ai, ta gonagonaia masura be ‘i maa; Ieoba ‘imi onaolilisana wa onaolilisana ‘enaia ‘i nonona ta ‘enega: ta to‘ase ‘abo‘ama? ‘imi onaolilisana nigea ‘emaia, ta Ieoba ‘enaia.

Si Apwesa 15:24

Ta tomota si onaolilisana Mose ‘enaia, si gwae, To‘ase ‘a da numa?

Isaia 65:2

Asiata maibo‘ana nimaguao ia iasitoto tomota loguitoasa ‘edia, taudi ‘eda nigea bobo‘ana ‘enega si tautauia, taudi ‘idi nuanua nadigega:

Isaia 1:2

Garewa ie, ‘u da nono, ta ‘u da enonotenasi, bare‘u ie, Ieoba ni‘atu ‘i ona ta ‘enega: gogama ia e‘enidi ta ia amwamwedi, ta si loguitoasa ‘eguia.

Salamo 78:49

‘Ina gamwasoara dididiga i ‘ulena ‘edia, Egamwagamwagu, nuaiaiiai be, ‘ebeloniu be, To‘umalina ‘ina anelose ma‘adi boda.

Si Apwesa 32:8

Ni‘atu ‘eda ia ona ‘edia ‘enega si tauia dumaduma manini: ni‘atu bulomakau menonoiana dogadogana si bubuna, ta ni‘atu ‘ena si bwagobwago, ta ‘ena si taritaria, ta si gwae, Getedi si da e ‘imu eaubadao, Iseraela ie, taudi si ‘au‘ewatu‘eiemi ‘asa Aigupitoega.

Nugana 6:6

Ta Ieoba nuana i ‘ebunina tai ‘i bubuna bare‘uia manuna, ta ‘atenega i ‘elo‘uia.

Salamo 78:17

Ta si gewagewana tuga ta si bubuna to‘umalina ‘enaia, To Lo‘etana Sana ‘ena guaudi ‘i toiasa mitawaia.

Salamo 106:33

Iaruiaruana ‘ena si loguitoasa ta ‘enega, Ta ‘i ona geiogeioi sopanega.

Isaia 63:11

Ga asiata lowaenei ‘i nua‘i‘isidi, Mose, ta ‘ina tomota, ‘i gwae, Mane tauna i ‘au‘ewedima orega ‘ina sipiao ‘idi to‘ita‘i‘isiao ma‘ediao? Mane tauna ‘ina iaruiarua tabu ‘i sa‘u gamwagamwanidia?

Salamo 78:21

Ta ‘enega Ieoba ‘i nonona, ta ‘i gamwasoara: Ta awe si loe‘abina Iakobo ‘enaia, Ta gamwasoara ‘i tu‘e Iseraela ‘enaia;

Salamo 107:11

Ieoba ‘ina ona ‘edia si loguitoasena ta ‘enega, Ta To‐lo‘etana Sana ‘ina nuena si sinarina: