Isaia 62:12 - Buki Tabu Lowaenei 1919

¹² Ta si da eesedi Tomota tabu, Ieoba ‘ana ‘ewa‘ewalima: ta si da eeseio ‘Ebe‘ebesaio, ‘Asa nigea si e‘idi‘idia.

Isaia 62:12 Referans Kwoze

Isaia 62:4

Gea‘abo wate si da eesemu ‘E‘idi‘idiena, nai ‘imu ‘asa si da eesena Waborebore: ta si da eesemu Episibaa, ta ‘imu ‘asa Beula: Ieoba ‘i guausoara manuio ta ‘enega, ta ‘imu ‘asa ‘i da ai.

Isaia 35:9

Nigea ‘e bweu laione ‘ena ‘i da miami, nai ‘e bweu iobai bosasa ‘ena ‘i da tu‘e, gea‘abo ‘ena si da lobedi; ta taudi si ‘ewalimedi ‘ena si da tauia:

Isaia 42:16

Ta matakebokebodi ia da me‘edi ‘eda nigea si mwaratoni ‘enega; ‘edao nigea si mwaratoni ‘edia ia da ‘au‘ewedi: guguioi ia da bubuna be ‘i ma‘edana matadia, ta esena bokobokodi be si paruparu. Iage getedi ia da guinua, ta gea‘abo ia da e‘idi‘idiedi.

Salamo 107:2

Ieoba ‘ina li‘ali‘amidi si da ona nadigega, Taudi ni‘atu ‘i li‘amidi tarauwara nimanega;

Isaia 65:1

Taudi nigea manugu si eona ni‘atu ‘eguiega si eona; taudi nigea si ‘ebesegu taudi si lobegu: Ia gwae, Wa da ‘itegu, wa da ‘itegu, ‘asa nigea ‘agu esanega si eesena ‘enaia.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Si Apwesa 19:6

Ta wa da e‘ebeloina totariao ‘eguia, ta ‘asa tabu. Gete ona nidi ‘u da oneone Iseraela tubunao ‘edia.

Isaia 1:27

Siona si da e‘isa limena etaraiega, ta ‘ina to‐nuaebuniao bubuna paruparuiega.

Isaia 4:3

Ta gete ‘i da apwesa, tauna si pilisinena Siona ‘ena, ta tauna ‘i tupwa Ierusalema ‘ena, si da eesena tabu, tuga ‘e bweuna ‘e bweuna si ‘etoladina maiawasina Ierusalema ‘ena:

Isaia 41:17

Gomabeso ta nanaewadi boasi si ‘ebesa ta nigea ‘e bweu ‘i miami, ta meiadi ‘i taba tonaadi ‘i iapasa manuna; ‘Abo‘agu Ieoba ‘edia ia da ona limana, ‘abo‘agu Iseraela ‘ina Eaubada nigea ia da e‘idi‘idiedi.

Isaia 51:10

Nigea ‘oio nai tauna ora ‘i gieiapasa, ni‘u sinabwana ‘ina ora; tauna ora ‘ina ni‘u ‘i bubuna be ‘eda ‘enega li‘ali‘amidi si taona?

Isaia 52:3

Gete nadigega Ieoba ‘i gwae ta ‘enega, Si gimwanidaisiio ta ‘enega; ta ia da ‘au‘ewalimeio ta nigea maniega.

Isaia 62:2

Ta ‘ebeloinao ‘imu bubuna paruparu si da ‘ita, ta kiniao iauiaudi ‘imu esaesa: ta ‘amu esana ‘i da auauna, tauna Ieoba ‘awana ‘i da ‘inana.

Isaia 35:8

Ta ‘eda sinabwana ‘ena ‘i da miami, ta ‘eda, ta si da eesena, Iaruiarua esasena ‘ana ‘eda; Baibailidi gea‘abo ‘ena si da etaona; ta tauna taudi manudi: tai to tauia gesi, tamo uwauwadi, gea‘abo ‘ena si da loegesi.

Isaia 63:18

‘Imu tomota tabu si ‘ewena ga tuta gidarina: ‘ama tarauwarao ‘imu anua tabu si ‘aiaina.