Isaia 62:11 - Buki Tabu Lowaenei 1919

¹¹ Wa ‘ita, Ieoba ni‘atu ‘i guguia bare‘u ‘ina ‘ebelosa‘u ‘enaia, Siona natuna me wainena ‘ena wa da gwae, U ‘ita, ‘amu ‘etoseana ‘i memai; u ‘ita, ‘ana e‘isa ma‘ieana, ta ‘ina guinua matanaia.

Isaia 62:11 Referans Kwoze

Isaia 49:4

Ta ia gwae, Ni‘atu ia guinua besobeso, ‘igu waiwai ia loegumwarina iage nigea ‘e bweu ta iage besobeso manudi: ta ‘igu etara Ieoba ma‘ieana ‘ai‘aila, ta ‘igu e‘isa ‘igu Eaubada ma‘ieana.

Isaia 49:6

Tamo, ‘i gwae, Iage kapekapeana wawasae ‘aene ‘oio ‘igu toguinua be Iakobo ‘ina susuiao ‘u gietooro‘edi, ta Iseraela ‘ina tomia egagara ‘u da sa‘u limedi: wate ia da ‘ebwaea‘eio ‘Asa apwesa ‘idi ma‘edana manuna, be ‘oio ‘igu ‘etoseana ga bare‘u ‘ina ‘ebelosaroni.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 17:10

‘Amu ‘etoseana ‘ina Eaubada ‘u nuapupurena ta ‘enega, ta ‘imu waiwai ‘ina gurewa nigea ‘u nuena; ta ‘enega kaiwe ‘adi ‘ita bobo‘ana u ‘asodi, ta ‘u badina kaiwe ‘upwa‘upwadi dumadumadi ‘ediega:

Isaia 42:10

Wari auauna wa da wariei Ieoba ‘enaia, ta ‘ana tuputupu bare‘u ‘ana ‘ebelosaroniega; ‘omi wa mwa‘uta oraia, ta iage iauiauna ‘ena si miami, saruiao, ta ‘ana tomi.

Isaia 46:13

‘Igu bubuna paruparu ia me‘ena serabenaia, gea‘abo ‘i da mia ‘edasora, ta ‘igu ‘etoseana gea‘abo ‘i da iamwaiamwa; ta ‘etoseana ia da sa‘u Siona ‘ena Iseraela ‘igu esaesa manuna.

Isaia 48:20

Babuloniega wa da tauiawa, me Kaledea ‘ediega wa da dena; wari ‘enanega wa da simana, gete wa da oneone, wa da ‘inana ga bare‘u ‘ina ‘ebelosaroni: wa da gwae, Ieoba ‘ina toguinua Iakobo ni‘atu i ‘ewa limena.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 59:20

Ta to‐‘ewalima ‘i da mai Siona ‘ena, ta taudi li‘oa‐loinega Iakobo ‘ena si sana‘ilama ‘edia, ‘Ieoba ‘i gwae.