Isaia 62:10 - Buki Tabu Lowaenei 1919

¹⁰ Wa da rugu, wa da rugu ‘ari ‘ana ‘eberugu ‘edia; tomota ‘idi ‘eda wa da kakari; wa da ‘ulatu‘e, ‘eda sinabwana wa da ‘ulatu‘e; gurewa wa da egogonediwa; doe wa da gilagasi tomota manudi.

Isaia 62:10 Referans Kwoze

Isaia 57:14

Ta ‘i da gwae, Wa da ‘ula tu‘e, wa da ‘ula tu‘e, ‘eda wa da bubu, ‘ebeesetupe wa da ‘ewa ‘igu tomota ‘idi ‘edega.

Isaia 40:3

‘E bweu ‘i bwaubwau ‘enana, Mitawaia Ieoba ‘ana ‘eda wa da kakari, kaukaudaisinamo ‘ena ‘eda sinabwana wa da gienonokwaikwaia ‘ida Eaubada manuna.

Isaia 49:22

‘Inapwana Eaubada gete nadigega ‘i gwae, Wa ‘ita, nimagu ia da gilagasi ‘ebeloinao ‘edia, ta ‘agu doe ia sa‘u etooro tomota ‘edia: ta natumuao me‘olotodi si da me‘edi lumalumadiega, ta natumuao me wainedi si da ‘a‘aridi.

Isaia 11:10

Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Isaia 18:3

Iauiaumi gabura ‘ana tomi, ta ‘omi bare‘u ‘ana tomi, ‘ena doe si gilagasina ‘oeao ‘edia, wa da ‘ita; ta ‘ena ioguli si mu‘e, wa da nono.

Isaia 11:12

Ta doe ‘i da sa‘u tu‘e ‘ebeloinao manudi, ta me Iseraela ‘ina to mia apwesa ‘i da egogonedi, ta me Iuda ‘ina to sawarao ‘i da egogonedi bare‘u tupitupina ‘e ata ‘ediega.

Si Apwesa 17:15

Ta Mose ‘ebetaria i ‘abina, ta ‘i eesena Ieoba‐nisi:

Isaia 52:11

Wa da tauiawa, wa da tauiawa, gote ‘enega wa da apwesawa, gea‘abo ‘e bweu iage baila wa da gitoo; gamwagamwaninega wa da tauiawa; wa da ‘esasena, ‘omi Ieoba ‘ina keigao wa ‘a‘aridi.

Isaia 48:20

Babuloniega wa da tauiawa, me Kaledea ‘ediega wa da dena; wari ‘enanega wa da simana, gete wa da oneone, wa da ‘inana ga bare‘u ‘ina ‘ebelosaroni: wa da gwae, Ieoba ‘ina toguinua Iakobo ni‘atu i ‘ewa limena.

Isaia 60:11

‘Imu ‘eberugu wate si da ‘egegedi ‘ataia; gea‘abo si da gibodedi asiata nai boiboi; be ‘enega tai ‘ebeloinao ‘idi gwegwe si da me‘ena ‘emuia, ta ‘idi kiniao si da ‘au‘ewedima.

Isaia 11:16

Ta ‘eda sinabwana ‘i da miami ‘ina tomota tupwadi manudi, taudi si miami, Asiriega; nadigega lowa ‘i miami Iseraela manuna asiata ‘enega ‘i tu‘ema ‘asa Aigupitoega.

Salamo 68:4

Eaubada ‘ena wa da wari, tuputupu wa da wari ‘ana esana ‘enaia: ‘Eda ‘ai‘aila wa da bubu tu‘e tauna ‘i gerugeru ta esena kaukaudaisinamo ‘i rubwaredi; ‘Ana esana Iaa; ta matanaia wa da uiawana.

Isaia 19:23

Asiata gote ‘eda sinabwana ‘i da miami Aigupitoega ga Asiria ‘enaia, ta goma Asiria ‘i da mai Aigupito ‘enaia, ta goma Aigupito Asiria ‘enaia; ta me Aigupito si da bwagobwago me Asiria ma‘ediao.

Isaia 26:1

Asiata gote ‘enega wari gete si da wariei ‘asa Iuda ‘enaia: ‘Ida ‘asa ‘asa pa‘arina; ‘etoseana ‘i da aseiena ‘ari‐gurewa manudi ta ‘aripa‘ara manudi.

Isaia 26:2

‘Eberugu wa da gigegedi, be ‘enega ‘ebeloina paruparu tauna ona ‘ai‘aila i ita‘i‘isina ‘ena ‘i da rugu.

Isaia 35:8

Ta ‘eda sinabwana ‘ena ‘i da miami, ta ‘eda, ta si da eesena, Iaruiarua esasena ‘ana ‘eda; Baibailidi gea‘abo ‘ena si da etaona; ta tauna taudi manudi: tai to tauia gesi, tamo uwauwadi, gea‘abo ‘ena si da loegesi.

Isaia 49:11

Ta ‘igu ‘oea iauiaudi ia da bubuna be si e‘eda, ta ‘igu ‘eda sinabwadi si da miatu‘e.

Isaia 60:18

Didiga gea‘abo wate si da nono ‘imu ‘asa ‘enaia, waborebore nai saoora ‘imu rabao gamwagamwanidia; ta ‘imu ‘ari‐gurewa ‘u da eesedi ‘Etoseana, ta ‘imu ‘eberuguiao Tuputupu.

Isaia 66:19

Ta we‘iwe‘iiaia ia da sa‘u gamwagamwanidia, ta taudi nigea si mwawasa ‘ediega ia da etunedi ‘ebeloinao ‘edia, Tasisa ‘ena, Pula ta Luda, taudi si lisi‐tupu, Tubala ta Iabana ‘edia, saru ‘edasora ‘edia, taudi nigea ‘aregu si nonona, nai ‘igu esaesa si ‘itena; ta ‘igu esaesa si da simana ‘ebeloinao gamwagamwanidia.

Salamo 24:7

‘Omi ‘ari ‘ana ‘auboda, debami wa da gitu‘eie; Ta ‘omi anua ‘ana ‘auboda miaataia, wa da miatu‘e: Ta esaesa ‘ina King ‘i da ruguma.

Isaia 35:9

Nigea ‘e bweu laione ‘ena ‘i da miami, nai ‘e bweu iobai bosasa ‘ena ‘i da tu‘e, gea‘abo ‘ena si da lobedi; ta taudi si ‘ewalimedi ‘ena si da tauia:

Isaia 40:4

Sa‘ara ‘e bweuna ‘e bweuna ‘i da elomiatu‘e, ta ‘oea sinabwadi ta ‘oea gidaridi ‘e bweuna ‘e bweuna ‘i da ‘elomwa‘uta: ta bokoboko ‘i da eparuparu, ta esena dakadaka si da enonokwaikwaina: