Isaia 61:8 - Buki Tabu Lowaenei 1919

⁸ ‘Abo‘agu Ieoba loina ia nuanuana sinabwana ta ‘enega, ‘ipwara bubuna bokoboko ma‘ieana ia guitoasa; ta ‘adi e‘isa ia da ‘ebwa‘edi ona‘ai‘ailega, ta ona‘upa‘upa ‘ataia ia da bubuna ma‘edi.

Isaia 61:8 Referans Kwoze

Salamo 11:7

Ieoba ‘i paruparuna ta ‘enega; bubuna paruparuna ‘i nuanuana: To tooro paruparu maninina si da ‘itena.

Isaia 55:3

Wa da enonotenasi, ta ‘eguia wa da mai; wa da nono, ta iaruiaruami ‘i da bobo‘ana: ta ona‘upa‘upa ‘ataia ia da bubu ma‘emi, tuga Dabida ‘ina nua‘ole‘ole ‘ai‘ailidi.

Salamo 37:28

Ieoba loina ‘i nuanuana ta ‘enega, Ta ‘ina to‐iaruiarua‐‘esasedi nigea ‘i da pilisinedi: Si mia bobo‘ana ataia: Ta to to‘umalidi tubudiao si da ‘upwa‐iauledi.

Nugana 17:7

Ta ‘igu ona‘upa‘upa ia da sa‘u ‘eguia ta ‘emuia ta tubumuao murimuia ‘idi epatatomota ‘edia be ‘i da ona‘upa‘upa ‘ataia, be ia da Eaubada ‘emuia ta tubumuao murimuia ‘edia.

Salamo 99:4

King ‘ina pa‘ara wate loina ‘i nuanuana; Bubuna ‘ai‘aila ‘u giepa‘arina, Loina ta bubuna paruparu ‘u bubudi Iakobo ‘enaia.

Salamo 45:7

Bubuna paruparuna ni‘atu ‘u nuanuana sinabwana, ta bubuna to‘umalina ni‘atu ‘u guitoasena: Ta ‘enega Eaubada, ‘imu Eaubada, ‘i eoromu Sinabwa wawasae ‘amu epata ‘edia guausoara ‘ana bunamega.

Salamo 33:5

Bubuna paruparuna ta loina ‘i nuanuana: Bare‘u ‘i maa Ieoba ‘ina obobomega.

Isaia 5:16

Ta bodao ‘idi Ieoba ‘i mia tu‘e loina ‘enega, ta Eaubada tauna Tabu Tebweuna ‘i etabuna bubuna paruparu ‘enega.

Salamo 50:5

‘Igu to ‘esasena ‘ai‘ailao wa da egogona ‘eguia; Taudi ona‘upa‘upa ni‘atu si bubuna ma‘ieagu tariega.

Salamo 32:8

Ia da giemwaratonio ta ia da e‘itaio ‘eda ‘enega ‘u da tauia: Ia da eonaio matagu ‘emuia ‘enega.

Salamo 62:10

Giemwau gea‘abo ‘ena wa da ‘emisa, Ta gea‘abo wa da gagasa ‘oae ‘enaia: ‘Abo gwegwe si sinabwa, ‘atemi gea‘abo ‘edia ‘i da abaabara.

Salamo 105:10

Ta tauna iage nina ‘i giepa‘arina loina manuna Iakobo ‘ena, Iseraela ‘ena ona‘upa‘upa ‘ataia manuna:

Isaia 28:17

Ta etara ia da bubuna ‘ebe‘etopwapwa‐loesanena manuna, ta bubuna paruparu aweata manuna: ta ‘usana patuna ‘ebedena onakabokabo nina ‘i da ‘ewaiaulei, ta boasi‐murua ‘ebe kwaia ‘i da loemaa‘apu‘apuie.

Isaia 30:18

Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Isaia 54:10

‘Oea sinabwadi si da sawara ta ‘enega, ta ‘oea gidaridi si da tauia: ta ‘igu oboboma gea‘abo ‘i da pilisineio, nai ‘igu ona‘upa‘upa guguia ‘i da tauia, Ieoba tauna i ‘atenua‘ole‘oleio ‘i gwae.

Isaia 56:1

Gete nadigega Ieoba ‘i gwae, Loina wa da ‘ita‘i‘isi, ta bubuna paruparu wa da guinuei: ‘igu ‘etoseana ‘i abe ‘i mai ta ‘enega, ta ‘igu bubuna paruparu ‘i abe ‘i apwesa.

Isaia 66:22

Na‘ieana garewa auaudi ta bare‘u auauna taudi ia da mwerurua, si da mia ‘ataia mataguia ta ‘enega, Ieoba ‘i gwae, na‘ieana tubumi ta ‘ami esana si da mia ‘ataia.