Isaia 60:7 - Buki Tabu Lowaenei 1919

⁷ Kedara ‘ina sipi iau iauiaudi si da egogonama ‘emuia, Nebaiota ‘ina sipi me‘olotodi ‘emuia si da guinua: ‘igu ‘ebetaria ‘ena si da tu‘ema ta nuagu ‘i da bobo‘ana ‘edia, ta ‘igu esaesa ‘ina anua ‘ana tuputupu ia da sa‘u.

Isaia 60:7 Referans Kwoze

Isaia 56:7

Tuga taudi ia da ‘au‘ewedima ‘igu ‘oea tabu ‘enaia, ta ‘igu anua ‘ebesidasida ‘ena ‘adi guausoara ia da sa‘u; ‘idi ‘ebwaeadaita‐gabugabudi ta ‘idi tariao ia da nuanuana ‘igu ‘ebetaria ‘enaia: ‘igu anua si da eesena sidasida ‘ina anua tomota iauiaudi manudi ta ‘enega.

Nugana 25:13

ta getedi Isimaela natunao me‘olotodi ‘adi esana, ‘adi esanega, ‘idi ‘ebetubua ‘atua: Isimaela ‘ina tomatua, Nebaiota; Kedara ta, Adibeela ta, Mibisama ta.

Isaia 42:11

Mitawa ta ‘ina ‘asa ‘enadi si da gitu‘e, ‘asa gidaridi taudi Kedara ‘edia ‘i miami; Sela ‘ina tomi si da wari, si da bwau ‘oea debadia.

Isaia 60:13

Lebanona ‘ina esaesa ‘emuia ‘i da mai, gewana, maruana, ta kwakwamo rererea; be ‘igu anua tabu ‘ina esena ‘ana ‘ita bobo‘ana si da iagei, ta ‘aegu ‘adi ‘ebesa‘u ia da bubuna esaesa.

Salamo 120:5

Oioi ‘eguia, Meseka ‘ena ia miami, Kedara ‘ina anua‐ania ‘edia ia miami!

Isaia 19:19

Asiata gote e bweu ‘ebetaria Ieoba ‘ena ‘i da miami ‘asa Aigupito gamwagamwanaia, ta tupitupinaia ‘e bweu ‘ora Ieoba ‘enaia.

Isaia 19:21

Ta Ieoba ‘i da e‘ita‘ena tauna Aigupito ‘enaia, ta me Aigupito Ieoba si da mwaratonina asiata gote; tamo, si da bwagobwago taria ta ‘ebwaeadaita ‘ediega, ta ona‘upa‘upa si da ona‘upa‘upa‘ena Ieoba ‘enaia, ta si da guinuena.

Isaia 21:16

Gete nadigega ‘Inapwana ni‘atu ‘i ona ‘eguia, Iakwara ‘e bweu gea‘abo ‘i gumwara, nadigega to guinua ‘ei‘eisana ‘ana iakwarao, ta Kedara ‘ina esaesa maibo‘ana ‘i da gumwara: