Isaia 60:21 - Buki Tabu Lowaenei 1919

²¹ ‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 60:21 Referans Kwoze

Salamo 37:22

Taudi ‘i onaobobomedi ‘asa si da ‘ewena ta ‘enega; Ta taudi ‘i eliedi si da ‘upwa iauledi.

Salamo 37:11

Ta taudi ‘idi bubuna nuana ‘asa si da ‘ewai; Ta si da uiawana taudimo guguia sinabwana manuna.

Isaia 29:23

Ta ni‘atu natunao i ‘itedi, nimagu ‘idi guinua, gamwagamwanaia, ga ‘agu esana si da etabuna; tamo, Iakobo ‘ina Tabu Tebweuna si da etabuna, ta Iseraela ‘ina Eaubada si da matautena.

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Salamo 92:13

Taudi ni‘atu si aso‘idi Ieoba ‘ina anuaia Si da uiawana Eaubada ‘ina atamana ‘edia.

Isaia 62:4

Gea‘abo wate si da eesemu ‘E‘idi‘idiena, nai ‘imu ‘asa si da eesena Waborebore: ta si da eesemu Episibaa, ta ‘imu ‘asa Beula: Ieoba ‘i guausoara manuio ta ‘enega, ta ‘imu ‘asa ‘i da ai.

Isaia 61:7

‘Imi omaiamaia manuna girua wa da ‘ewa: ta nuaowana manuna si da guausoara ‘idi esena ‘enaia: ta ‘enega ‘idi ‘asa ‘ena e rua si da ‘ewa: guausoara ‘ataia ‘i da miami ‘edia.

Isaia 57:13

‘Ena ‘u dedoi, taudi ‘u egogonedi si da ‘etoseemu: ta iagila ‘i da tauiedi, uweuwenunu ‘i da siieiedi iauiaudi: ta tauna ‘eguia i ‘emisa ‘asa ‘i da ‘ewa, ta ‘igu ‘oea tabu ‘i da ‘ewena.

Isaia 52:1

‘U da tooro, ‘u da tooro, ‘imu waiwai ‘u da ‘otena, Siona ie; ‘amu ‘oama ‘adi ‘ita bobo‘ana ‘u da ‘otedi, Ierusalema ie, ‘asa tabu: gete ‘enega ta muriega gea‘abo wate taudi nigea si lodaba ta nigea si ‘esasena ‘emuia si da rugu ta ‘enega.

Isaia 51:2

Aberaamo tamami ‘ena wa da ‘ita, ta sinami Sara ‘enaia; ‘ena tauna ‘e bweunamo ia bwauiena ta ‘enega, ta ia ona obobomena, ta ia gieiauiena.

Isaia 45:11

Gete nadigega Ieoba ‘i gwae, Iseraela ‘ina Tabu Tebweuna, ta ‘ana Tomwerurua: Iage si da mai manudi wa da eonegu; natuguao me‘olotodi manudi, ta nimaguao ‘idi guinua manuna, ‘eguia wa da loina.

Isaia 43:21

Tomota nidi ia bubudi manugu taugu, be ‘enega ‘agu tuputupu si da gieapwese.

Isaia 43:7

‘E bweuna ‘e bweuna si bwauiedi ‘agu esanega, ta tauna ia mweruruina ‘igu esaesa manuna; ni‘atu ia bubuna; tamo, ia mweruruina.

Isaia 49:3

Ta ‘eguia ‘i gwae, ‘Oio ‘igu to‐guinua; Iseraela, ‘ena si da tupugu.

Isaia 44:23

Wa da wari, ‘omi garewao ie, Ieoba ni‘atu ‘i guinuena ta ‘enega; wa da bwau, ‘omi bare‘u ‘ina esenanao lo‘ubuna; ‘Omi ‘oeao, mitawa ie, ta kaiwe iauna ‘ena, wa da pwaila wari ‘enega: Ieoba ni‘atu Iakobo i ‘ewa‐limena ta ‘enega, ta tauna esaesa ‘i da sa‘u Iseraela ‘ena.

Isaia 19:25

Bodao ‘idi Ieoba ‘i onaobobomedi ta ‘enega, ‘i gwae, Aigupito ‘igu tomota si da miabobo‘ana, ta Asiria nimaguao ‘idi ‘ebeguinua, ta Iseraela ‘igu ‘egu‘eguiai.

Isaia 24:16

Bare‘u ‘ana ‘ebelosaroniega ni‘atu wari ta nonodi, esaesa to paruparu ‘edia. Ta ia ona, Ia wakaka, ia wakaka, oioi ‘eguia! to bubu wasegigi si wasegigi; tamo, to bubu wasegigi si wasegigi sinabwana.

Isaia 26:2

‘Eberugu wa da gigegedi, be ‘enega ‘ebeloina paruparu tauna ona ‘ai‘aila i ita‘i‘isina ‘ena ‘i da rugu.

Isaia 45:8

‘Omi garewao, wa da pesuma, ‘etanega, ta garewa bubuna paruparu ‘i da siwa mwa‘utena: bare‘u ‘i da egegena, be ‘enega ‘etoseana si da uaua, ta bubuna paruparu ‘i da gietabwa rererea; ‘Abo‘agu Ieoba ni‘atu ia mweruruina.

Isaia 45:24

Ieoba ‘ena tebweuna, ‘e bweu ‘i da gwae ‘eguia, bubuna paruparu ta pa‘ara ‘ena ‘i miami: tuga tauna ‘ena tai si da mai, ta iauiaudi si gamwasoara ‘enaia si da omaiamaia.

Isaia 45:25

Ieoba ‘ena Iseraela tubunao si da paruparu, ta si da tuputupu.

Isaia 61:11

Na‘ieana bare‘u tupwa ‘i gietabwa ta ‘enega, ta nadigega bagura iage si lelewana ‘enaia ‘i gietabwa; nadigega ‘Inapwana Eaubada bubuna paruparu ta lotuputupu ‘i da giesinabwa ‘ebeloina iauiauna matadia.

Isaia 64:8

Ta gete ‘enega, Ieoba ie, ‘oio tamama; ‘abo‘ama bwa‘adegudegu, ta ‘oio to bubu‘urena, ta iauiauma nimaio ‘ina guinua.

Isaia 65:9

Ta Iakobo ‘enega tubuna ia da me‘ena, ta Iuda ‘enega ‘igu ‘oeao ‘adi to ‘ewa: ta ‘agu ‘esi‘esinuao si da ‘ewena, ta ‘igu to guinuao ‘edia si da miami.

Salamo 37:18

Ieoba taudi bobo‘ai‘ailidi ‘idi asiata ‘i mwaratonidi; Ta ‘adi ‘egu‘eguia ‘i da miaataia.

Salamo 37:29

To bubuna paruparuna ‘asa si da ‘ewena, Ta ‘ena si da mia ataia.

Isaia 54:17

Nigea ‘e bweu ‘ebesaia si bubu manuio ‘i da bobo‘ana; ta meia ‘e bweuna ‘e bweuna ‘i tooro manuio etara ‘ena ‘u da ‘awato‘umaliena. Gete Ieoba ‘ina to‐guinuao ‘idi ‘egu‘eguia, ta ‘idi bubuna paruparu tauna ‘eguiega, Ieoba ‘i gwae.