Isaia 60:13 - Buki Tabu Lowaenei 1919

¹³ Lebanona ‘ina esaesa ‘emuia ‘i da mai, gewana, maruana, ta kwakwamo rererea; be ‘igu anua tabu ‘ina esena ‘ana ‘ita bobo‘ana si da iagei, ta ‘aegu ‘adi ‘ebesa‘u ia da bubuna esaesa.

Isaia 60:13 Referans Kwoze

Isaia 35:2

‘I da senina sinabwana, ta ‘i da ‘uiawana, tamo, guausoarega ta wariega; Lebanona ‘ina esaesa ‘ena si da ‘ebwaea, Kaamela ta Sarona ‘idi bobo‘ai‘ailina: Ieoba ‘ina esaesa si da ‘itena, ‘ida Eaubada ‘ina bobo‘ai‘ailina.

Salamo 132:7

‘Ina tabenakeleao ‘edia ‘a da rugu; ‘Aena ‘ana ‘ebesa‘u ‘ena ‘a da bwagobwago.

Salamo 96:6

Amaiabe ta esaesa matanaia si miami: Waiwai ta ‘ita bobo‘ana ‘ina anua tabu ‘ena si miami.

Isaia 66:1

Gete nadigega Ieoba ‘i gwae, Garewa ‘igu ‘ebemi‐esaesa, ta bare‘u ‘aegu ‘adi ‘ebesa‘u: to anua wa da ‘abi ‘eguia? Ta to esena ‘igu ‘ebeeiawai‘ata?

Isaia 55:13

Kaiwe saiperesa ‘i da tabwa kwakwakwara ‘ana lopa‘eru, ta kaiwe saido ‘i da tabwa kaiwe dakadakana ‘ana lopa‘eru: ta ‘i da esana manuna Ieoba ‘enaia, we‘iwe‘iiaia ‘ataia nigea si da ‘upwa iaulena manuna.

Salamo 99:5

Ieoba ‘ida Eaubada wa da gitu‘e, Ta ‘aena ‘ana ‘ebesa‘u ‘ena wa da bwagobwago: Tauna ‘i tabu.

Isaia 60:7

Kedara ‘ina sipi iau iauiaudi si da egogonama ‘emuia, Nebaiota ‘ina sipi me‘olotodi ‘emuia si da guinua: ‘igu ‘ebetaria ‘ena si da tu‘ema ta nuagu ‘i da bobo‘ana ‘edia, ta ‘igu esaesa ‘ina anua ‘ana tuputupu ia da sa‘u.