Isaia 6:3 - Buki Tabu Lowaenei 1919

³ Ta ‘e bweuna ‘i bwau ‘e bweuna ‘enaia, ta ‘i gwae, Tabu, tabu, tabu, bodao ‘idi Ieoba: gabura maibo‘ana ‘i maa ‘ina eseesega.

Isaia 6:3 Referans Kwoze

Salamo 72:19

Ta ‘ana esana esaesa ta da tupuna ataia; Ta bare‘u maibo‘ana ‘i da maa ‘ina esaesa ‘enega. Emeni ta Emeni.

Si Apwesa 15:11

Ieoba ie, iaita ‘oio nadigega eaubadao ‘edia? Iaita ‘oio nadigega, esaesa bubuna esasena ‘enaia, Didiga tuputupu ‘edia, iage tosinabwasadi ‘u guinuedi?

Isaia 40:5

Ta Ieoba ‘ina esaesa ‘i da apwesa, ta esio iauiauna si da ‘itena rererea: Ieoba ‘awana ‘i onena ta ‘enega.

Isaia 24:16

Bare‘u ‘ana ‘ebelosaroniega ni‘atu wari ta nonodi, esaesa to paruparu ‘edia. Ta ia ona, Ia wakaka, ia wakaka, oioi ‘eguia! to bubu wasegigi si wasegigi; tamo, to bubu wasegigi si wasegigi sinabwana.

Salamo 57:11

Eaubada ie, ‘u da miatu‘e garewa ‘etanaia; ‘Imu esaesa ‘i da ‘ebare‘u maibo‘ana ‘etanaia.

Salamo 90:16

‘Imu guinua ‘i da apwesa ‘imu ‘ari‘eao ‘edia, Ta ‘imu esaesa natudiao ‘edia.

Salamo 97:6

Garewao ‘ina bubuna paruparuna si simanena, Ta tomota iauiauna ni‘atu ‘ina esaesa si ‘itena.

Salamo 99:3

‘Amu esana sinabwana ta didigana si da tupuna: Tauna ‘i tabu.

Isaia 54:5

‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.

Salamo 8:2

Meameadi ta to‐numa‐susu ‘awadia waiwai ‘u giepa‘arina, ‘Amu tarauwarao manudi, Be ‘enega tarauwara ta toe‘isa ‘u da gienonodi.

Salamo 66:2

‘Ana esana ‘ina esaesa ‘u da wariei: ‘Ana tuputupu ‘u da giesaesai.

Salamo 99:9

Ieoba ‘ida Eaubada wa da gitue‘iei, Ta ‘ina ‘oea tabu ‘ena wa da bwagobwago; Ieoba ‘ida Eaubada ‘i tabu ta ‘enega.