Isaia 59:16 - Buki Tabu Lowaenei 1919

¹⁶ Ta i ‘ita nigea ‘e bweu tai, ta nuana ‘i owana nigea ‘e bweu to sida ta ‘enega; ta ‘enega tauna nimana ‘etoseana ‘i me‘ena ‘enaia; ta ‘ina bubuna paruparu, tauna ‘i giiaina.

Isaia 59:16 Referans Kwoze

Isaia 64:7

Ta nigea ‘e bweu ‘amu esana ‘ena ‘i bwau, nai ‘i giewaiwaiena tauna be ‘i giiai‘i‘isiio: maniniio ‘u kwaiena ‘emega ta ‘enega, ta ‘u loegumwarima ‘ima bubuna bokoboko ‘ediega.

Salamo 98:1

Wari auauna wa da wariei Ieoba ‘enaia; Iage ‘ebenuaowana ni‘atu ‘i guinuedi ta ‘enega; Ataina, ta nimana tabu, ni‘atu si bubu ‘etoseana manuna.

Isaia 41:28

Ta ni‘atu ia ‘ita, ta nigea ‘e bweu tai; tuga gamwagamwanidia nigea ‘e bweu to‐onaleme, be ‘enega ‘ena ia eonedi, ona ‘e bweu ‘i da ona‐limena.

Isaia 52:10

Ieoba ni‘atu nimana tabu ‘ana ‘oama ‘i lolona ‘ebeloina iauiauna matadia; ta bare‘u ‘ana ‘ebelosaroni iauiauna ‘ida Eaubada ‘ina ‘etoseana si da ‘ita.

Salamo 106:23

Ta ‘enega ‘i ona ‘aene ‘i da giesaooridi, ‘Abo Mose ‘ina ‘esi‘esinua nigea ‘i tooro mwatu‘iia matanaia, Be ‘ina gamwasoara ‘i gibunina, ‘abona nai ‘i da giesaooridi.

Isaia 50:2

Toase manuna, ‘ena ia mai, nigea ‘e bweu tai ‘i miami? Ena ia bwau, nigea ‘e bweu ‘i da onalimana nai? Nimagu ‘i kukupa nai, be ‘enega gea‘abo ‘i da ‘ewalima? Nai nigea ma‘igu waiwai be ia ‘etosee? Wa ‘ita, ‘igu ba‘eiega ora ia gieiapasina, boasi‘awa ia bubudi be si emitawa: ‘idi iana si mwa‘ulu, nigea ‘idi boasi ta ‘enega, ta si mwawasa tona‘adi ‘i iapasa manuna.

Isaia 33:2

‘Ieoba ie, ‘emaia ‘u da nua‘ole‘ole; ni‘atu ‘a iamwaiamwa manuio: ‘oio ‘u da nimadi gonagona iauna, ‘ima ‘etoseana wate tuta loniu ‘enega.

Isaia 33:3

Egogona toila ‘ana dududu ‘enega tomota si denadena; ‘imu tooro ‘ai‘aila tauio ‘enega ‘ebeloinao si lelewana.

Isaia 40:10

Wa ‘ita, ‘Inapwana Eaubada ‘i da mai to ewaiwai na‘ieana, ta nimana ‘i da loina tauna manuna; wa ‘ita, ‘ina tamapu ma‘ieana; ta ‘ina e‘isa matanaia.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Salamo 94:16

Iaita ‘i da tooro manugu toguinua to‘umalidi ‘edia? Iaita ‘i da tooro manugu taudi bubuna bokoboko si guinua ‘edia?

Isaia 51:9

‘U da tooro, ‘u da tooro, waiwai ‘u da ‘otena, Ieoba nimana ie; ‘u da tooro, ‘atua gimi asiatao ‘edia, gimi tutao ‘idi epata‐tomota. Nigea ‘oio nai tauna Raaba i ‘upwa tomwatomwa, tauna waregoa ‘i badi be ‘i sasa‘a?

Isaia 53:1

Iaita ‘ida tetera ‘i iarena? ta iaita ‘ena Ieoba nimana ‘i apwesa?

Isaia 62:8

Ieoba ni‘atu ‘i ona‘upa‘upa atainega, ta ‘ina waiwai nimanega, Ona‘ai‘aila ‘imu witi nigea wate ia da ‘ebwaea be ‘i da emasura ‘amu tarauwarao manudi; ta to‘u‘umara gea‘abo ‘imu oineuana si da numena, tauna manuna ni‘atu ‘u guinua: