Isaia 59:13 - Buki Tabu Lowaenei 1919

¹³ Ta li‘oa loina ta Ieoba ta eiaseiaseie, ‘ida Eaubada ‘ana muria ‘enega ta sana‘ilawa, didiga ta loguitoasa ta oneone, ‘atedega kabokabo ‘ina ona ta nuedi be ta ‘inanedi.

Isaia 59:13 Referans Kwoze

Isaia 57:11

Ta iaita manuna ‘u matauta ta u ‘atesa‘ara, ta ‘enega ‘u onakabokabo, ta nigea ‘u nua‘i‘isigu, nai ‘ateio ‘ena ‘u sa‘u? nigea nai ia enono tuta dudurana ‘enega, ta nigea ‘u matautegu?

Isaia 48:8

Tamo, nigea ‘u nono; tamo, nigea ‘u mwaratoni; tamo, lowaeneiega tenaio nigea ‘i egegena: ia mwaratoni ta ‘enega ‘u bubu to wasegigi sana, ta si eesemu to‐li‘oaloina gamwa ‘enega.

Isaia 32:6

Tai geigeioi iage euwauwa ‘i da oneone, ta ‘atena bubuna bokobokona ‘i da guinuei, sabi bubu besobeso, ta sabi ‘inana loegesi Ieoba matanaia, be to botana iaruiaruana ‘i giekakaena, ta taudi tona‘adi ‘i iapasa ‘adi boasi ‘i loegumwarina.

Isaia 31:6

Iseraela natunao ie, Tauna ‘enega wa loguitoasa didiga ‘ena wa da sana‘ila.

Isaia 5:7

Bodao ‘idi Ieoba ‘ina bagura‐oine tauna Iseraela ‘ina susu ta ‘enega, ta tai me Iuda ‘ina kaiwe ‘ana ‘ita bobo‘ana: ta etara manuna i ‘ita, ta wa ‘ita! unua; bubuna paruparu manuna, ta wa ‘ita! bwau.

Salamo 78:36

Ta ‘awadiega ‘ena si ona dibidibi, Ta meiadiega ‘ena si ona kabokabo.

Salamo 18:21

Ieoba ‘ina ‘eda ia ‘ita‘i‘isidi ta ‘enega, Ta nigea ‘igu Eaubada ‘enega ia pilisinena to‘umalina.

Isaia 10:1

Oioi ‘edia taudi loina nigea paruparu si loinei, ta to ‘etoladi ‘edia taudi si ‘etoladi bokoboko;

Isaia 30:12

Ta ‘enega gete nadigega Iseraela ‘ina Tabu Tebweuna ‘i gwae, ona gete wa sinarina ta ‘enega, ta giemwau ta bokoboko ‘edia wa ‘emisa, ta ‘ena wa mia‘ataia;

Isaia 58:2

Ta asiata iauna si ‘ebesegu tuga, ta si ‘uiawana ‘igu ‘eda si mwaratonidi manuna: ‘atua ‘asa bubuna paruparu si guinua, ta ‘idi Eaubada ‘ina loina nigea si e‘idi‘idia, loina paruparuiao si eonegu, si ‘uiawana ‘idi doro Eaubada serabenaia.

Isaia 58:9

Gote ‘enega ‘u da bwau, ta Ieoba ‘i da onalimana; ‘u da bwau, ta ‘i da gwae, ‘Abo‘agu gete ‘ena. ‘Abo gamwagamwaniio ‘enega ‘ebe‘a‘ara ‘u da ‘ewena, ‘enimasusu, ta onaona to‘umalina;

Isaia 58:13

‘Abo ‘aeio ‘u gisana‘ilena sabate ‘enega, ‘imu ‘ebeguausoara ‘ina guinua ‘enega ‘igu asiata tabu ‘enaia; ta sabate u ‘inana ‘aene ‘ebe‘uiawana, ta Ieoba ‘ina tabu ‘ebeamaiabe: ta ‘u da ‘amaiabena, nigea tauio ‘imu bubuna ‘u guinuedi, nai tauio ‘imu ‘ebeguausoara ‘u loba, nai ‘imu ona tauio ‘u oneonedi: