Isaia 59:12 - Buki Tabu Lowaenei 1919

¹² ‘Ida li‘oa‐loina si eiau matamuia ta ‘enega, ta ‘ida loegesiao si simana manuda: ‘ida lioa‐loina ma‘eda si miami ta ‘enega, ta ‘ida bubuna bokoboko manudi, ta mwaramwaratonidi:

Isaia 59:12 Referans Kwoze

Isaia 1:4

Ie ‘asa ma‘imi to‘umalina, tomota ‘imi ‘a‘ara bubuna bokobokona, to‐guinua to‘umalina tubudi, gogama to bubu geiogeioi: ni‘atu Ieoba si e‘idi‘idiena, Iseraela ‘ina Tabu Tebweuna ni‘atu si sinarina, si mia dumaduma ta si ‘ilawa.

Isaia 3:9

Maninidi ‘adi ‘ita tauna to‐‘ita ‘edia; ta ‘idi loegesi si simana Sodoma ‘atua, nigea si sa‘u kwaia. Oioi iaruiaruadi ‘enaia! Bubuna to‘umalina si e‘isa taudimo ‘edia ta ‘enega.

Salamo 51:3

Igu li‘oa‐loinaiao ia simanedi ta ‘enega; Ta ‘igu loegesi mataguia ‘i mia ataia.

Isaia 58:1

‘U da bwau toila, gea‘abo ‘u sa‘u, ‘enaio ‘u da gitu‘e ioguli ‘atua, ta ‘igu tomota ‘idi li‘oa‐loina ‘edia ‘u da simana, ta Iakobo ‘ina susu ‘idi loegesiao ‘edia.

Isaia 64:4

Lowaeneiega tai nigea si nonono ta ‘enega, nai tenadiega si sinapu, nai mata i ‘ita mari Eaubada ‘e bweuna tebweuio tuga, tauna ‘i guinua tauna ‘i iamwaiamwana manuna.