Isaia 58:11 - Buki Tabu Lowaenei 1919

¹¹ Ta Ieoba ‘i da nuganeio tuta iauiauna, ta iaruiaruaio ‘i da loemaa esena iapaiapasidi ‘edia, ta lulumuao ‘i da giewaiwai; ta ‘u da nadigega bagura si loepwasa, ta nadigega wewerupwa, tauna ‘ina boasiao nigea si gumwagumwara.

Isaia 58:11 Referans Kwoze

Salamo 32:8

Ia da giemwaratonio ta ia da e‘itaio ‘eda ‘enega ‘u da tauia: Ia da eonaio matagu ‘emuia ‘enega.

Isaia 49:10

Gea‘abo si da botana nai tonaadi ‘i da iapasa; nai ara nai sinara ‘i da unudi: tauna i ‘atenua‘ole‘oleiedi ‘i da ‘au‘ewedi ta ‘enega, tuga boasi wewerupwa ‘ediega ‘i da nuganedi.

Salamo 25:9

To oonua ‘i da nuganedi loina ‘enaia: Ta to oonua ‘ina ‘eda ‘edia ‘i da e‘itae.

Salamo 92:14

Si da uaua ‘ataia ‘idi tuta dudurana ‘enega; Si da maa aionega ta mama‘inega:

Salamo 73:24

‘Imu nuanua ‘enega ‘u da nuganegu, Ta muriega esaesa ‘ena ‘u da ‘au‘ewegu.

Salamo 48:14

Eaubada gete ‘ida Eaubada ataia ta ataia ‘enega: Tauna ‘i da e‘ada to ‘au‘ewena ga mwawasa ‘enaia.

Salamo 37:19

Tuta to‘umalina gea‘abo ‘ena si da omaiamaia: Ta tuta botana ‘ena si da maa.

Salamo 33:19

Be iaruiaruadi i ‘etoseena mwawasega, Ta tuta botana ‘enega iawasidi ‘i sa‘una.

Salamo 107:9

Iaruiarua gewagewana ‘i loema‘ena ta ‘enega, Ta iaruiarua botana ‘i loema‘ena bobo‘anega.

Isaia 61:11

Na‘ieana bare‘u tupwa ‘i gietabwa ta ‘enega, ta nadigega bagura iage si lelewana ‘enaia ‘i gietabwa; nadigega ‘Inapwana Eaubada bubuna paruparu ta lotuputupu ‘i da giesinabwa ‘ebeloina iauiauna matadia.

Isaia 33:16

Tauna ‘i da mia ‘etanaia: ‘ina ‘ebedena ‘i da gurewao ‘idi anua pa‘ara: ‘ana masura si da ‘ebwaena; ‘ana boasi ‘i da mia ‘ai‘aila.

Isaia 27:3

‘Abo‘agu Ieoba ia ‘ita‘i‘isina; tuta tomwana iauna ‘ena ia da giepwasena: nai ‘e bweu ‘i ununa, ia da ‘ita‘i‘isina boiboi be asiata.

Isaia 41:17

Gomabeso ta nanaewadi boasi si ‘ebesa ta nigea ‘e bweu ‘i miami, ta meiadi ‘i taba tonaadi ‘i iapasa manuna; ‘Abo‘agu Ieoba ‘edia ia da ona limana, ‘abo‘agu Iseraela ‘ina Eaubada nigea ia da e‘idi‘idiedi.

Isaia 57:18

Ni‘atu ‘ina bubunao ia ‘itedi, ta ia da giebobo‘anena: wate ia da ‘au‘ewena, ta iage ‘ebeguausoara ia da ‘ebwaealimedi ‘enaia ta ‘ina to ‘ewabamu ‘edia.

Isaia 66:14

Ta wa da ‘itena, ta ‘atemi ‘i da guausoara, ta lulumi si da sinabwa ‘ai‘aila nedu nuana nadigega: ta Ieoba nimana ‘i da e‘ita ‘ina to‐guinuao ‘edia, ta nuana ‘i da to‘umalina ‘ana tarauwarao ‘edia.

Salamo 1:3

Ta tauna ‘i da nadigega kaiwe si ‘asona boasi daudauna deinaia, Tauna ‘i uaua ‘ana tuta ‘enega. Iawana wate nigea ‘i da ‘oaperu; Ta to‘ase nai ‘i guinuena, ‘i da sinabwa.

Salamo 84:7

Si tauia waiwai ga waiwai ‘enaia, Iauiaudi si apwesa Eaubada matanaia Siona ‘ena.

Isaia 44:4

Ta si da tabwa tu‘e nedu gamwagamwanaia, ‘atua wilou boasi ‘ina ‘ebedau deidia.