Isaia 54:11 - Buki Tabu Lowaenei 1919

¹¹ ‘Oio ‘elo‘uiaio, wedilia i ‘ula tu‘eieio, ta nigea ‘imu guausoaramo, u ‘ita, ‘imu gurewao ia da sa‘u mena‘arega, ta ‘imu ‘autuiao sapairega.

Isaia 54:11 Referans Kwoze

Isaia 54:6

Ieoba ‘i bwauiemu na‘ieana to‐aimewainena e‘idi‘idiena ta ‘ate‘uia‘uia ta ‘enega, tuga to‐aimewainena megoamana, ‘ena si e‘idi‘idiena, ‘imu Eaubada ‘i gwae.

Isaia 51:21

Ta ‘enega gete ‘u da nono, ‘oio ma‘imu elo‘uia, ta laulausiio, ta nigea oineega:

Isaia 49:14

Ta Siona ‘i gwae, Ieoba ‘i e‘idi‘idiegu, ta ‘Inapwana ‘i nuapupuregu.

Isaia 28:16

Ta ‘enega ‘Inapwana Eaubada gete nadigega ‘i gwae, Wa ‘ita, Siona ‘ena gurewa ia sa‘una ‘autu manuna, gurewa tootoona, ‘autui ‘ai‘aila gurewana tupitupina bobo‘ai‘ailina: tauna ‘i iareiare gea‘abo ‘i da lomanini.

Isaia 14:32

Ga toase ‘e bweu ‘i da ona limana ‘ebeloina ‘ina etuetune ‘enaia? Ieoba Siona ‘ana ‘autui ‘i sa‘ui, ta ‘ena ‘ina tomota ‘elo‘uiadi si da denadena.

Salamo 34:19

To bubuna paruparu ‘idi elo‘uia iauna: Ta Ieoba iauiaudi ‘ediega i ‘etoseedi.

Isaia 51:23

Ta taudi si unuunumi nimadia ia da sa‘u; taudi si ona iaruiaruaio ‘ena, ‘U da ‘opu‘opu, be ‘enega ‘a da taona: ta guauio ‘u sa‘u bwa‘a na‘ieana, ta ‘eda na‘ieana, taudi si taona ‘edia.

Si Apwesa 24:10

Ta Iseraela ‘ina Eaubada si ‘itena; ta ‘aena ‘agaraunaia ‘atua gurewa sapire si sa‘u enonokwaikwaina, ta ‘atua garewa ‘arena tauna ‘ina esasena.

Si Apwesa 3:7

Ta Ieoba ‘i ona, ‘Igu tomota Aigupito ‘ena ‘idi elo‘uia ni‘atu ia ‘ita ‘ai‘ailina, ta ‘idi bwau ‘idi to‐loina‐guinua manudi ni‘atu ia nonona; ‘idi ‘ate‘uia‘uia ia mwaramwaratoni ta ‘enega;

Si Apwesa 3:2

Ta Ieoba ‘ina anelose ‘ena ‘i apwesa awesabelulu ‘enaia kaiwe soranega: ta i ‘ita, ta, wa ‘ita, kaiwe i ‘ara‘arata, ta kaiwe ‘awe nigea ‘i da ‘enina.

Si Apwesa 2:23

Ta asiata iauna gotedi ‘ediega gete ‘i apwesa, Aigupito ‘ana king ‘i kwaia: ta Iseraela tubunao si eiawasilagalaga iona manuna, ta si bwaubwau, ta ‘idi bwau ‘i tu‘ema Eaubada ‘enaia iona manuna.

Isaia 60:15

Lowa si e‘idi‘idiemu ta si guitoasemu, ta ‘enega nigea ‘e bweu tai ‘i rubwareio, ta gete ia da bubuio be ‘u da bobo‘ai‘ailina ‘ataia, ‘epata tomota iauna ‘idi ‘ebeguausoara.

Isaia 44:28

Tauna ‘i gwae Koresa manuna, Tauna ‘igu to‐‘ita‘i‘isi‐sipi, ta ‘igu nuena iauiauna ‘i da guinua: tuga Ierusalema manuna ‘i gwae, si da ‘abina; ta anuatabu ‘ena, ‘Imu ‘autui si da sa‘u.

Isaia 54:12

Ta ‘imu winidou ia da bubudi gurewa‐bweabwearidi ‘ediega, ta ‘imu ‘eberugu gurewa‐tuiaiara ‘ediega, ta ‘imu tupitupi maibo‘ana gurewa ‘adi ‘ita bobo‘ana ‘ediega.