2 Matanaia ‘i tabwa ‘atua kaiwe nuana ta ‘enega, ta ramu ‘atua bwa‘a iadaiada ‘enega: nigea ma‘oonamo nai ‘ana ‘ita bobo‘ana; ta ‘ena ta ‘itena, nigea ‘e bweu ‘ana ‘ita bobo‘ana be ta da nuanuana.
Asiata gote ‘enega Ieoba ‘ina iage lobwasila ‘ana ‘ita ‘i da bobo‘ana ta ‘i da esaesa, ta bare‘u uana ‘i da bobo‘ai‘ailina ta ‘ana ‘ita ‘i da bobo‘ana me Iseraela to denadena manudi.
Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.