Isaia 52:7 - Buki Tabu Lowaenei 1919

⁷ Tauna tetera bobo‘adi ‘i me‘edi ‘aena bobo‘ai‘ailidi ‘oeao ‘edia, tauna guguia ‘i etetera, tauna bobo‘ana ‘ina tetera bobo‘adi ‘i me‘edi, tauna ‘etoseana ‘i guguiaei; tauna Siona ‘ena ‘i ona, ‘Imu Eaubada ‘i loiloina!

Isaia 52:7 Referans Kwoze

Isaia 40:9

‘Oio tetera bobo‘ana ‘u etetera Siona ‘ena, ‘u da tu‘e ‘oea kesora ‘enaia; ‘Oio tetera bobo‘ana ‘u etetera Ierusalema ‘ena, ‘enaio ‘u da gitu‘eiei waiwaiega; ‘u da gitu‘eiei, gea‘abo ‘u matauta; Iuda ‘ina ‘asa ‘edia ‘u da gwae, Wa ‘ita, ‘imi Eaubada!

Salamo 93:1

Ieoba ‘i loina; ‘ana ‘oama bubuna esaesa; Ieoba ma‘ana ‘oama, ni‘atu tolobwana ‘i losipwena pa‘arinega: Gabura wate ‘i pa‘ara, be gea‘abo ‘i loniu.

Isaia 24:23

Ga nawarae ‘i da nua‘owana, ta sinara ‘i da omaiamaia; bodao ‘idi Ieoba ‘i da loiloina ‘oea Siona ‘enaia ta ‘enega, ta Ierusalema ‘ena, ta ‘ina ‘ina‘inapwanao matadia ma‘ina esaesa.

Salamo 68:11

‘Inapwana ona i ‘ebwaea: Iine tetera nina si simanena si eboda sinabwana.

Salamo 99:1

Ieoba ‘i loiloina; tomotai si da dedera: Ierubima mwatuidi ‘i miatoa; bare‘u ‘i da loniu.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Salamo 96:10

‘Ebeloinao gamwagamwanidia wa da ona, Ieoba ‘i loiloina; Bare‘u wate ‘i pa‘ara be gea‘abo ‘i da loniu; Tomota ‘i da loinedi bubuna ‘ai‘ailega.

Salamo 59:13

Gamwasoarega ‘u da loegumwaridi, ‘u da loegumwaridi, be ‘enega gea‘abo wate si da miami: Ta ‘u da e‘itadi ‘aene Eaubada ‘i loina Iakobo ‘ena, Ga bare‘u ‘ina ‘ebelosaroniao. (Sela).

Salamo 97:1

Ieoba ‘i loiloina; bare‘u ‘i da guausoara; Saru ‘adi iau si da uiawana.

Isaia 41:27

Nugana ia da ona Siona ‘ena, Wa ‘ita, wa ‘itedi; ta ‘e bweu tetera bobo‘ana ‘i me‘ena Ierusalema ‘ena ia da ‘ebwaea.

Isaia 42:11

Mitawa ta ‘ina ‘asa ‘enadi si da gitu‘e, ‘asa gidaridi taudi Kedara ‘edia ‘i miami; Sela ‘ina tomi si da wari, si da bwau ‘oea debadia.

Salamo 98:2

Ieoba ‘ina ‘etoseana ni‘atu ‘i gieapwesa: ‘Ina bubuna paruparu ni‘atu ‘i e‘ita apwesaia ‘ebeloinao matadia.

Salamo 98:3

‘Ina nua‘ole‘ole ta ‘ina bubuna ‘ai‘aila Iseraela ‘ina anua ‘ena ni‘atu ‘i nua‘i‘isina; Bare‘u ‘ana ‘ebelosaroni iauiaudi ni‘atu ‘ida Eaubada ‘ina ‘etoseana i ‘itena.